Mordacai Astruc

Mordacai Astruc o Mardoquèu Astruc^[1] (o Mardocheu Astruc en nòrdoccitan)^{[N 1]} (Mourdacai Astruc en grafia mistralenca^[2]; Mardochée Astruc en francés) foguèt un escrivan provençau de lenga d'òc (en shuadit) e ebraïca originàri dau Comtat Venaicin (de L'Illa de Sòrga) e actiu au sègle XVII.

Autor de poèmas liturgics (de piyyotim) marquèt l'istòria dei letras provençalas en embé sa pèça Lou Jo de Haman, escricha en celebracion de la fèsta de Porim. Au sègle XVIII Jacòb de Lunèl tornarà subre aquesta òbra, la devesirà en actes e en donarà la version definitiva estampada en 1774 : La Reine Esther^[3] ("La Reina Estèr").

Nòtas e referèncias

Nòtas

↑ Mordacai [1] (mistralenc: Mourdacai), Mardoquèu e Mardocheu son lei fòrmas occitanas dau nom ebraïc מרדכי (Mardoqueu en catalan o Mardochée en francés).