Estadi (bastiment)

Un estadi es un òbra urbanistica que sa tòça es d'aculhir d'espòrts.

Istòria

Sota l'Antiquitat grèca, s'agis bèu promier d'una pista de córrer basada sus la mesura omonima.

Encuei, es mai que mai un ròdol que reçaup d'eveniments dedicats ais espòrts totes, individuaus coma collectius.

Estadis en Occitània

Au còntra d'una idèia espandida, l'espòrt lo mai popular en Occitània tota es lo fotbòl, que lei quatres premiers estadis màgers dins lo país son d'estadis dedicats bèu premier au fotbòl amb un capacitat totala de 161000 plaças, emai pòscon reçaupre un parèu de còps l'an de partidas de rugbi. Emai a Tolosa, capitala mondiala dau rugbi de club, lo Tolosa FC capita d'aguer a l'encòp un estadi que fa quasi lo doble de l'equip de rugbi e una mejana d'espectators de mai de 20 000 personas, superiora a n'aquela de l'Estadi Tolosenc que recampa aperaquí 19000 personas a la partida, ben luench dei 50000 personas de mejana per partida au Velodròme de Marselha.

Tièra per capacitat deis estadis en Occitània :

• Estadi-Velodròme, de Marselha. 67 000 plaças e dedicat ai partidas de fotbòl de l'Olimpic amb quauquei partidas de rugbi dau RC Tolon dins l'annada.
• Novèl estadi de Bordèu (nom provisòri). 42 115 plaças e dedicat ai partidas de fotbòl dei Girondins.
• Allianz Riviera, de Niça. 36 000 plaças e dedicat ai partidas de fotbòl de l'OGC Niça amb quauquei partidas de rugbi dau RC Tolon dins l'annada.
• Stadium de Tolosa, 35 000 plaças e dedicat ai partidas de fotbòl dau Tolosa FC amb quauquei partidas de rugbi de l'Estadi Tolosenc dins l'annada.
• Estadi Jacques Chaban-Delmas, de Bordèu, popularament conoissut coma Lescura. 34 000 plaças e dedicat ai partidas de rugbi de l'Union Bèglas-Bordèu.
• Estadi de la Mosson, de Montpelhier. 32 500 plaças e dedicat ai partidas de fotbòl dau Montpelhier HSC amb quauquei partidas de rugbi dau Montpelhier RC dins l'annada.
• Estadi Guy Boniface, dau Mònt. 22 000 plaças, reçaup lei partidas de rugbi l'Estadi Montés.
• Estadi Ernest Wallon, a Tolosa. 19 500 plaças e dedicat ai partidas de rugbi de l'Estadi Tolosenc
• Estadi de la Mediterranèa, a Besièrs. 18 500 plaças e dedicat ai partidas de rugbi de l'AS Besièrs
• Estadi dei Costièras, a Nimes. 18 800 plaças e dedicat ai partidas de fotbòl dau Nimes Olimpic.
• Estadi Loís-II, a Mónegue. 18 500 plaças e dedicat ai partidas de fotbòl de l'AS Mónegue.
• Estadi Marcel-Michelin, a Clarmont. 18 000 plaças e dedicat ai partidas de rugbi de l'ASM Clarmont.
• Estadi dau Ralh, a Niça. 17 500 plaças.
• Pargue deis Espòrts, a Avinhon. 17 500 plaças e dedicat ai partidas de fotbòl de l'AC Arles-Avinhon.
• Estadi Parsemain, a Fòs. 17 000 plaças e dedicat ai partidas de fotbòl dau FC Istres.
• Estadi Jean Dauger, a Baiona. 17 000 plaças e dedicat ai partidas de rugbi de l'Aviron Baionés.
• Pargue deis Espòrts d'Aguilera, a Biàrritz. 15 000 plaças e dedicat ai partidas de rugbi dau Biàrritz Olimpic.
• Estadi Yves du Manoir, a Montpelhier. 15 000 plaças e dedicat ai partidas de rugbi dau Montpelhier RC.
• Estadi Amédée Domenech, a Briva. 15 000 plaças e dedicat ai partidas de rugbi dau CA Briva.
• Estadi Maurice Trelut, a Tarbas. 15 000 plaças e dedicat ai partidas de rugbi dau Tarbas Pirinèus RC.
• Estadi dau Amèu, a Pau. 13 900 plaças e dedicat ai partidas de rugbi de la Seccion Palesa ai partidas de fotbòl dau Pau FC.
• Estadi Malhòu, a Tolon. 13 500 plaças e dedicat ai partidas de rugbi dau RC Tolon, amb quauquei partidas de l'Sporting Tolon en fotbòl.
• Estadi Pierre de Coubertin, a Canas. 12 800 plaças e dedicat ai partidas de fotbòl de l'AS Canas.