Economia de Panamà
L'economia de Panamà es una de las pus establas, dinamicas e amb màger creissença d'America Latina. Lo sector dels servicis, plan desvolopat, representa 80% del PIB. Los servicis comprenon lo foncionament del Canal de Panamà, las activitats bancàrias, la zòna franca de Colón, las activitats de segur, los pòrts de l'Atlantic e del Pacific, lo registre de vaissèls qu'utilizan la bandièra del país, e lo torisme[1]. La creissença economica serà impulsada per l'ampliament del Canal de Panamà, que comencèt en 2007 e li cal èsser conclusa en 2014 a un còst de 3,5 miliards de dolars - aperaquí 25% del PIB actual. L'expansion doblarà la capacitat del canal, en permetent acomodar vaissèls que son a l'ora d'ara tròp amples per far la traversada, e ajudarà a redusir lo caumatge[1].
| Economia de Panamà | |
|---|---|
| Moneda | Dolar american |
| Organizacions comercialas | OMC, SICA |
| Estadisticas[1] | |
| PIB | USD 40,33 miliards (2009) |
| Reng PIB | 96en[2] |
| Creissença del PIB | 2,4% (2009) |
| PIB per càpita | 11.900 (2009) |
| PIB per sector | agricultura 6,3%, industria 18,2%, comèrci e servicis 75,5% (2009) |
| Inflacion | 2,3%(2009) |
| IDH | cap d'informacions |
| Populacion jol lindal de pauretat | 28,6% (2006) |
| Fòrça de trabalh | 1 423 000 (2009) |
| Fòrça de trabalh per ocupacion | agricultura 15%, industria 18%, comèrci e servicis 67% (2006) |
| Caumatge | 7,1% (2009) |
| Partenaris comercials[1] | |
| Expòrts | 11,41 miliards (2009) |
| Sòcis principals | Estats Units 39,2%, Païses Basses 10,7%, Còsta Rica 5,8%, Suècia 5,4%, Reialme Unit 5,4%, Espanha 5%, Taiwan 4,3%, Republica Populara de China 4,1% (2008) |
| Impòrts | 13,62 miliards (2009) |
| Sòcis principals | Estats Units 29,6%, Còsta Rica 5%, Republica Populara de China 5%, Japon 4,2% (2008) |
| Finanças publicas[1] | |
| Deute extèrne | US$ 12,04 miliards (2009) |
| Revenguts | USD cap d'informacions |
| Despensas | 6 527 milions |
La principala moneda utilizada dins l'economia del país es lo dolar american.
Sector primari
modificarPrès de 9% del sòl de Panamà es cultivat. La màger part de la siá produccion agricòla s'obten en espleitacions de caractèr comercial e es destinada a l'exportacion. Los principals cultius e de grops de cultius —produccion de 2006 en tonas— son: cana de sucre (1,77 milions); frucha (659 283), principalament banana e iranja; ris (280 000); milh (70 000); cafè (13 153) e tomata.
En 2006 l'elevatge comptava amb 1,56 milions de caps de bestial bovin, 286 200 de bestial porcin e aperaquí 14,9 milions d'ausèls de corral.
Los produchs forestièrs de Panamà son conformats per una ampla varietat de fustas. Lo país compta amb resèrvas forestièras considerablas, gaireben 57% del sieu sòl, de còps malaisits d'espleitar a causa de la marrida infrastructura del transpòrt. En 2006 la produccion annala de fusta èra d'unes 1,35 milions de mètres cubics.
Sectors segondaris e terciàri
modificarLa indústria de Panamà es basicament orientada cap a la satisfaccion de la demanda domestica. Lo país depend sustot de lo sieu conglomerat de servicis de transpòrt e logistica orientada cap al comèrci mondial, l'epicentre que n'es lo Canal de Panamà. A l'entorn del Canal de Panamà se aglutinen pòrts de trasbord de contenidors, zònas francas de comèrci, camin de fèrre e çò de mès de grand entroncament aerian de passatgièrs d'America Latina. Compta tanben amb lo centre financièr mai grand del continent.