Cultura de Mississipí
La cultura de Mississipí èra una cultura indigèna d'America dau Nòrd que s'estendiguèt magerament entre 800 e 1500 a l'èst de Mississipí. Apareguèt dins lei regions drudas de la vau d'aqueu fluvi e influencièt pauc a pauc d'autrei vaus liadas a de rius vesins. Desvolopèt una civilizacion caracterizada per la bastida de torets rectangulars protegits per de fortificacions de fusta, d'un artesanat magerament format de terralhas e d'objèctes de fusta d'una religion probablament inspiradas d'aquela de Mesoamerica.
Lei rasons de son declin son mau conegudas mai la màger part dei centres importants èran abandonats quand lei premiers explorators arribèron dins la region durant la premiera mitat dau sègle XVI. Pasmens, se mantenguèt dins certanei regions fins au sègle XVIII e la colonizacion sistematica dau territòri deis Estats Units d'America actuaus per de colons blancs.