Castèthnau e Camplong

Pels articles omonims, vejatz Castèlnau (omonimia).

Castèthnau e Camplong [kas'tɛtnaw] [kam'lunk] (Gazteluberri Bearno en basco, Castetnau-Camblong en francés) qu'ei ua comuna bearnesa administrada peu departament deus Pirenèus Atlantics de la region de Navèra Aquitània, ancianament d'Aquitània.

Castèthnau e Camplong
Castetnau-Camblong

La maison comuna.

Geografia fisica

Coordenadas

43° 19′ 40″ N, 0° 46′ 52″ O

Superfícia

11,37 km²

Altituds
· Maximala
· Mejana
· Minimala

207 m
140 m
98 m

Geografia politica

França

Auloron

Lo Còr de Bearn (Navarrencs abans 2015)

Intercom
246401590

CC deu Bearn deus Gaves

Cònsol

Patrick Baldan
(2020-2026)

Geografia umana

Populacion
Populacion totala
(2019)

464 ab.

Evolucion de la populacion

479 ab.

Densitat

39,05 ab./km²

Autras informacions

(en francés)

64190

Geografia

Comunas a l'entorn.

Toponimia

La prononciacion qu'ei [kas'tɛtnaw], [kam'lunk]. Las fòrmas ancianas que son 1) per Castèthnau, Lo Casteg-nau d'Arribère de Navarrencx en 1298, Castelnau (mapa de Cassini, a la fin deu sègle XVIIIau); 2) per Camplong Camplonc en 1289, N-D De Camplonc en 1412, St Laurent de Camlonc en 1620, Camploncq en 1675, Camblonc (mapa de Cassini, a la fin deu sègle XVIIIau); 3) los dus, Casteg-nau e Cam-lonc en 1385 ^[1].

Camplong qu'ei format deus mots gascons camp e long. Lo nom que's refereish benlhèu a l'arribèra deu Gave d'Auloron o a la sèrra alongada dont Camplong ei a l'extremitat oèst ^[1].

Castèthnau qu'ei format deus mots gascons castèth e nau. Qu'ei un toponime peus vilatges bastits a l'entorn d'un castèth feodau. La mòta que's ved enqüèra. Los istorians que hasón d'aqueth mot un tèrme generic peus vilatges bastits a l'entorn d'un castèth feodau ^[1].

Istòria

Castèthnau e Camplong, dus lòcs geograficament separats, jamei estón duas comunautas distinctas. Lo borg d'origina qu'ei Camplong. En 1289, Gaston VII Montcada que bastí un castèth suu territòri de Camplong e l'aperè Lo Casteg-nau d'Arribère de Navarrencx o lo castetnau de Camblong ^[1].

En 1793, la municipalitat qu'èra Camblong et Castelnau (en francés) e Camplong qu'annexè Castèthnau (dens aqueth sens) enter 1790 e 1794 ^[2]. En 1801, la comuna qu'èra oficialament Castetnau-Camblong^[3].

Administracion

Lista deus cònsols successius
Periòde		Identitat	Etiqueta
març de 2001	2026 ^[4]	Patrick Baldan	divèrs dreta
març de 1983	2001	Pierre Torris
març de 1971	1983	Pierre Lamarche
mai de 1945	1971	Charles Pucheu
mai de 1929	1945	Eugène Cabanne
	1929
Totas las donadas non son pas encara conegudas.