Karaez-Plougêr

Karaez-Plougêr en breton (Carhaix-Plouguer en francés) es una comuna bretona situada dins lo departament de Finistèrra e la region de Bretanha.

Karaez-Plougêr
Carhaix-Plouguer

L'ostal del senescal (sègle XVIen) vengut sindicat d'iniciativa

Armas

Geografia fisica

Coordenadas

48° 16′ 42″ N, 3° 34′ 02″ O

Karaez-Plougêr

Localizacion sus la mapa de Bretanha

Superfícia

25,81 km²

Altituds
· Maximala
· Mejana
· Minimala

169 m
104 m
69 m

Geografia politica

França

Christian Troadec (2008-2014)

Geografia umana

Autras informacions

Gentilici

Carhaisien, Carhaisienne (en francés)

Còde postal

29270

Còde INSEE

29024

Site officiel de Carhaix-Plouguer

Coneguda dempuèi l'Antiquitat jol nom de Vorgium, nom latin de la capitala del pòble galés dels Osismes, es ara coneguda per aculhir, dempuèi 1995, lo festenal de las Vièlhas Carrugas qu'es l'un dels festenals de musica mai famoses d'Euròpa.

Geografia

Karaez se situa dins lo Poher, important territòri de Cornoalha (Kernev en breton), ensarrat entre los monts d'Are al nòrd e las montanhas Negras al sud. L'aglomeracion s'es desvolopada principalament sus una plana situada a l'entorn de 140 mètres d'altitud, en pendent doç cap a l'oèst, las altituds mai elevadas essent a l'èst al delà de l'aglomeracion a l'entorn de 155-169 mètres d'altitud. Aquela plana es limitada al nòrd per la val encaissada de Yer (desnivèlat de 60 mètres qu'impausèt la bastison d'un aquaducte a l'epòca romana per lo poder passar) que corrís a l'entorn de 80 mètres d'altitud, e al sud pel rec de la Magdalena que lo traçat foguèt repres pel canal de Nantas a Brèst. Yer provòca de còps de grèus aigats : en març 1903, la capèla de Santa-Catarina situada en Plounévéze al limit de Karaez, aguèt d'aiga fins al cobert dels ostals^[1], emai en 1910 fins als veirials^[2].

Geologicament, Karaez se tròba al centre del bacin de Châteaulin, constituit principalament de lausa (de còps de gres) e que forma una depression topografica entre monts d'Are e montanhas Negras.

Vengudas comunas a la Revolucion francesa, Karaez e Plougêr fusionèron en 1956 e prenguèron oficialament lo nom de Carhaix-Plouguer. Lo conselh municipal de Karaez ne faguèt la demanda tre l'an 1862^[3].