Caragodas

Caragodas^[1]^,^[2]^,^[3]^,^[4] (Caragoudes en francés) es una comuna lengadociana en Lauragués, situada dins lo departament de la Nauta Garona e de la region d'Occitània, ancianament de Miègjorn-Pirenèus.

Caragodas
Caragoudes

Lo molin de la Palhassa.

Armas

Geografia fisica

Coordenadas

43° 30′ 01″ N, 1° 42′ 07″ E

Superfícia

8,31 km²

Altituds
· Maximala
· Mejana
· Minimala

263 m
220 m
175 m

Geografia politica

Lengadòc

França

Occitània, ancianament de Miègjorn-Pirenèus

Tolosa

Revèl, ancianament de Caramanh

Intercom
243100880

Comunautat de comunas de las Tèrras de Lauragués (SIREN 200071298)

Cònsol

Jean-Louis Cancian
(2014-2020)

Geografia umana

Populacion
Populacion totala
(2018)

224 ab.

Evolucion de la populacion

229 ab.

Densitat

27,32 ab./km²

Autras informacions

Gentilici

Caragoudais, Caragoudaises (en francés)

Còde postal

31460

Còde INSEE

31105

Geografia

Comuna de l'airal urban de Tolosa situada en Lauragués a 25 km al Sud-Èst de Tolosa

Istòria

Pendent l'Ancian Regime, Caragodas èra del comtat de Caramanh [incorporat a la província de Lengadòc en 1779], de l'archidiocèsi de Tolosa, de la senescauciá de Lauragués. Le vocable de la glèisa es Sent Lop. Tanlèu 1790, Caragodas èra del canton de Caramanh. En l'an IV, annexèron las comunas de Saune (nom francés) e de Falgairac a Caragodas ^[5]. En 2015, suprimiguèron le canton de Caramanh e Caragodas passèc al canton de Revèl, largament espandit.

Pendent l'Ancian Regime, Falgairac o Les Cédals (en francés), comunautat non parròquia, èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa, de la senescauciá de Lauragués. Tanlèu 1790, Falgairac èra del canton de Caramanh e en l'an IV, l'annexèron a Caragodas ^[6]. Falgairac es a l'èst de Caragodas, sus la RD 54 que mena a Segrevila.

Pendent l'Ancian Regime, Saune (nom francés), comunautat non parròquia, èra del comtat de Caramanh [incorporat a la província de Lengadòc en 1779], de l'archidiocèsi de Tolosa, de la senescauciá de Lauragués. Tanlèu 1790, Saune èra del canton de Caramanh e en l'an IV, l'annexèron a Caragodas ^[7]. Saune es lo nom d'un castèl al nòrd-èst de la comuna e tanben d'un riu.