Brèst

Brèst (Brest en francés) es una vila de França dins la region de Bretanha e lo departament de Finistèrra. Es un pòrt important, segond pòrt militar en França après Tolon, situat a l'extremitat oèst de Bretanha.

Brest
Brest

Armas

Geografia fisica

Coordenadas

48° 23′ 27″ N, 4° 29′ 08″ O

Brest

Localizacion sus la mapa de Bretanha

Superfícia

49,51 km²

Altituds
· Maximala
· Minimala

103 m
0 m

Geografia politica

França

Brest (capluòc)

Capital de 10 cantons

Intercom
242900314

de Brest Métropole Océane

Cònsol

François Cuillandre (2020-2026)

Geografia umana

Autras informacions

Escais

Bretanha

Gentilici

Brestois, Brestoise (en francés)

29200

Amb 139 926 abitants , Brest es la 25ena comuna pus poblada de França. Fòrta d'una metropòli de 210 047 abitants (2018)^[1], representa la primièra aglomeracion de l'oèst breton e la segonda de la region Bretanha après Rennes. Emai que Brest, tanben sonada la ciutat del Ponent, siá la vila pus poblada de Finistèrra, la prefectura del departament es Quimper.

A l'Edat Mejana, l'istòria de Brest se confond amb l'istòria de son castèl. Puèi Richelieu ne faguèt un pòrt militar. Brest se desvolopèt a l'entorn de l'arsenal, entrò la segonda mitat del sègle XX. Fortament marcada pels bombardaments de la Segonda Guèrra Mondiala, Brest vegèt son centre istoric gaireben entièrament rebastit. A la fin del sègle XX e al començament del sègle XXI, la desindustrializacion de la vila s'acompanhèt del desvolopament del sector terciairi.

Brest es uèi una vila universitària importanta de plus de 29 000 étudiants^[2]. Son universitat es pluridisciplinària e comport notadament una facultat de medecina. En mai, Brest e sa region comptan mantunas grandas escòlas : d'escòlas d'engenhaires (ESIAB, IMT Atlantic, ENSTA Bretanha, ENIB e ISEN, CESI), l'escòla de comèrci Brest Business School, l'EURO-Institut d'Actuariat EURIA, Brest es tanban un pòl de recerca important, axat sus la mar, e aculhís la sèti social e pus grand dels centres Ifremer^[3], lo CEDRE, lo SHOM, l'Institut universitari europèu de la mar e l'Institut polar francés. Lo Tecnopòl Brest-Iroise facilita la mesa en òbra d'aquelas competéncias scientificas e tecnicas dins lo domeni economic e industrial.

Brest foguèt sempre marcada per son passat maritim : l'Acadèmia de marina i foguèt fondada en 1752, lo pòrta-avions Charles de Gaulle i foguèt bastit, e totes los quatre ans, en julhet, Brest aculhís la granda fèsta internacionala de la mar, dels batèls e dels marins. Brest aculhís tanban l’escòla de Maistrance (escòla de formacion iniciala dels oficièrs marinièrs), l’escòla dels mòssis al Centre d’Instruccion naval, e nombrosas entrepresas nauticas al sen de la Sailing Valley bretona.

Geografia

Brest es situat a l’oèst de Bretanha, dins lo nòrd de Finistèrra, departament que n'es una de las sosprefecturas ; Brest es tanben una prefectura maritima de l'Atlantic. Brest se tròba a la punta nòrd-oèst de la peninsula armoricana, a la broa de la rada de Brest e fa partit istoricament del país de Leon.