Arrondiment de Pau

L’Arrondiment de Pau qu'ei ua division administrativa e ua anciana division electorau ^[1] francesa situada en Bearn, dens lo departament deus Pirenèus Atlantics e la region de Navèra Aquitània, anteriorament d'Aquitània. L'arrondiment que s'espandeísh en Bearn. La lenga autoctòna qu'ei l'occitan gascon dens la varianta bearnesa.

Istòria

L’arrondiment de Pau de 1800 a 1926 en arròse

L'arrondiment que's creè en 1800. Que'u modifiquèn en 1926 quan dispareishón los ancians arrondiments de Maulion e d'Ortès.

L’arrondiment de Pau de 1926 a 2016 en arròse

Dab la refòrma cantonau de 2014, aplicada en 2015, lo nombre de cantons qu'estó dividit per dus, un canton navèth que pòt estar sus dus arrondiments.

En 2017, que modifiquèn la composicion deus arrondiments per tau de'us adaptar aus limits de las intercomunalitats e de las circonscripcions legislativas. L'arrondiment de Pau que ganhè las comunas d'Abòs, Aubertin, Cardessa, Cuqueron, La Comanda, La Horcada, Luc, Monenh, Parbaïsa, Pardias e Tarsac, qui èran de l'arrondiment d'Auloron. Que perdó las comunas de Autarriba, La Bastida (Lauhire), Berencs, Carressa e Cassabè, Castanheda, Escòs, Lahontan, Lèren, Sendòs, Sent Pèr de Lèren e Salias, qui partín tà l'arrondiment d'Auloron ^[2].

Lo nombre de comunas que demorè a 269.

L'arrondiment de Pau en Aquitània abans 2015. L'imatge que muisha l'arrondiment d'Auloron non tocava lo departament de las Lanas e adara si

269 comunas.