Antilhas

Antilhas

Superfícia 235 830 km2 (0,2 %) Populacion 41 964 775 hab. Densitat 178 hab./km2 País 13 Dependéncias 14 Lengas principalas Anglés, Creòls, Espanhòl, Francés, Neerlandés Fuses oraris UTC-5 (Cuba) UTC-4 (Barbada) Mai grandas vilas L'Avana, Sant Domèrgue
Portal Geografia

Las Antilhas (autrecòps nomenadas las Índias Occidentalas) son las islas banhadas per la mar Cariba, mai las Bahamas. Se fa la distincion entre las Grandas Antilhas, que comprenon Cuba, Jamaica, la Hispaniola (Aïtí e la Republica Dominicana) e Puerto Rico, e las Pichonas Antilhas (la rèsta d'islas). A causa de la lenga que s'i parla, Cuba, la Republica Dominicana e Puerto Rico son tanben considerada coma una part d'Ispanoamerica, mentre que geograficament parlant las Antilhas fan part de l'America Centrala.

Mapa de las Antilhas

Lo gentilici es antilhés -esa o antilhan -ana.

Lo nom

Aital coma los toponims "Brasil" o "Eqüator", lo nom "Antilhas" data d'un periòde anterior a la descobèrta d'America: "Antilha" èra una d'aquelas tèrras misteriosas que figuravan dins las ancianas cartas portolanas, de còps en forma d'archipèla, de còps coma una sola pèça de tèrra de mai o mens estenduda, que la posicion fluctuava de longa al mitan de l'ocean entre las Canàrias e las Índias Orientalas. Mas foguèron fin finala identificadas las tèrras descobèrtas per Cristòl Colomb.

Grandas Antilhas

• Bahamas
• Cuba
• Hispaniola:
  • Aïtí
  • Republica Dominicana
• Illas Caiman (GB)
• Illas Turks e Caicos (GB)
• Jamaica
• Puerto Rico (EUA)
• Illas Verges (GB/EUA). De còps compresas dins las Grandas Antilhas, de còps dins las Pichonas Antilhas.

Pichonas Antilhas

• Anguilha (GB)
• Antigua e Barbuda
• Aruba (Païses Basses)
• Barbados
• Bonaire (Païses Basses Caribencs)
• Curaçao (Païses Basses)
• Dominica
• Grenada
• Guadalope (Fr.)
• Illas Verges Britanicas
• Illas Verges Americanas
• Martinica (Fr.)
• Montserrat (GB)
• Redonda (part d'Antigua e Barbuda)
• Saba (Païses Basses Caribencs)
• Sant Bartomieu (illa) (Fr.)
• Sant Cristòl e Nevis
• Santa Lúcia
• Sant Martin (Fr.) / Sint Maarten (Païses Basses)
• Sant Vincenç e las Grenadinas
• Sant Eustaqui (Païses Basses Caribencs)
• Trinitat e Tobago