Alzona

Vilatge d'Occitània

Alzona (Alzonne en francés) es una comuna lengadociana de Lauragués situada dins lo departament d'Aude e la region administrativa d'Occitània, ancianament de Lengadòc-Rosselhon.

Alzona Alzonne
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La tòrre d'aiga d'Alzona, pinta en engana l'uèlh.
Armas
Geografia fisica
Coordenadas	43° 15′ 18″ N, 2° 10′ 39″ E
Superfícia	22,38 km²
Altituds  · Maximala  · Mejana  · Minimala	242 m 131 m 108 m
Geografia politica
País	Lengadòc
Parçan	Lauragués
Estat	França
Region 76	Occitània
Departament 11	Aude
Arrondiment 111	Carcassona
Canton 1110	De la Malapera a la Montanha Negra (Montreal), caplòc del Canton d'Alzona abans 2015
Intercom 200035715	Carcassona Agló
Cònsol	Régis Banquet (2020-2026)
Geografia umana
Populacion Populacion totala (2018)	1 529 ab. Evolucion de la populacion 1 550 ab.
Densitat	66,09 ab./km²
Autras informacions
Còde postal	11170
Còde INSEE	11009

Geografia

Comunas a l'entorn.

Perimètre del territòri

Comunas confrontantas de Alzona

Raissac de Lampi	Sant Martin le Vièlh	Montoliu (Aude)
Sant Martin le Vièlh		Mossolens
Bram	Montreal	Santa Aulària (Aude)

• 
  Panorama dels Pirenèus dempuèi Alzona.

Toponimia

Las atestacions ancianas son : Alsona en 898; Castrum Ausona en 918; Decimarium Beate Marie de Alzona en 1311; Alzona en 1314; Auzonne en 1532; Alzone en 1774; Alzonne en 1781; Alzóuno (non datada).
Albèrt Dauzat explica Alzona per aliso, « aliguièr, albièr, drulhièr », mot gallic, ambe'l sufixe -onna . Los Féniés dison pas res d'Alzona, mès parlan d'un idronime preceltic *alis que permetriá d'explicar lo nom del riu Ausona (fòrma supausada), en Ardecha, que seriá vengut d'*alisona, e lo d' Alzon (fòrma supausada), afluent d'Avairon, que seriá *alis + sufixe gallic -one . Semblan en acòrdi ambe Ernèst Negre, que dona las meteissas explicas e qu'interprèta Alzona per un idronime preceltic *alis ambe'l sufixe gallic -ona; Alzona seriá lo nom antic de Fresquèl (fòrma supausada), aiga que travèrsa Alzona; Negre dona la meteissa explica per la Font d'Alzonne e Saint Pierre d'Alzonne, anciana parròquia de la comuna de Montferrand, prèp del Pas de Naurosa . Mes la Font d'Alzona e Sant Pèire d'Alzona (noms supausats) serián en realitat segon Delamarre (que parla pas de la vila d'Alzona) respectivament Alisona (nom d'un riu peirós, de alision, « la ròca ») e Elusio-dūnon, que cita Ciceron (Elusiodunum), atestat tanben al sègle IV Mansio Elusione . Lo nom antic supausat de la font d'Alzona, Alisona, pòt tanben èsser a l'origina del nom de la vila, mai que mai s'es l'ancian nom de Fresquèl.

Sant Roma e *Vilalissas

Sant Roma es un masatge situat a l'oèst de la comuna, près de l'anciana RN 113 e de la comuna de Bram.
Sant Roma èra una parròquia de la diocèsi de Carcassona. Las fòrmas ancianas son : Ecclesia Sancti Romani quae est in villa Witizanis en 925, Ecclesia Sancti Romani en 1134, Sainct Romme, esglise et simetière en 1641. Es a tòrt que dison Saint-Rome de Buzerens .
Sant Roma es degut a un reculament d'accent dins Sant Roman. Romanus es lo nom de dos martirs, d'un confessor de Blaia al sègle IV e d'un avesque de Roan al sègle VII . L'agionime a remplaçat un nom format sus Witiza, nom gotic d'òme (i a un rei d'aquel nom).

L'abat Savartés manda a Villelisses, senhoriá qu'èra d'aquela parròquia, dont lo nom es eretat de Witiza (e sufixe -anum).
Las fòrmas ancianas son : Villa quae dicitur Micizani, comprene Witizani, en 888, Miazani, comprene Witizani, en 889, Villa Wuitizani en 925, Villa Guititzani en 950, Villaguinhove (?) ..., Villaquicia en 1220, Feudum de Vilaguisas en 1262, De Villaquiciano en 1249, De Villa Guissano en 1265, Bastida de Villis Guissanis en 1422, Villalisses en 1553, Villeslyssas en 1573, Al castel de Villaslissas en 1630, Villalissiae en 1682, Villenisses en 1781.
Dins una evolucion complèxa d'aquel nom, una estapa es *Vilaguissan, ont Gu- representa regularament lo W- germanic e -iss sembla lo resultat de la coalescéncia del resultat de t e de z d'origina. Un reculament d'accent menèt a *Vilaguissa, puèi a *Vilalissa per atraccion de lissa o de liça. Aquel nom ambe doás l successivas deguèt èsser somés a una dissimilacion, d'aquí la fòrma de 1781.
Villelisses es un masatge a 200 m de Sant Roma, benlèu a l'emplaçament d'un ancian castèl.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dels cònsols successius

Periòde		Identitat	Etiqueta	Qualitat
2014	(2026)	Régis Banquet	PS	foncionari de las finanças, conselhièr general puèi departamental (2008-2021), president de Carcassona Agló (2014-)
1995	2014	Jean-Marie Salles	PS
1977	1995	Jacques Tramunt	PS
1971	1977	Grégoire Vanacker	PS
1945	1971	Antoine Azam	SFIO
	1945
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra caplòc del canton d'Alzona; es ara del canton de Montreal, que tornèron nomenar canton de la Malapera a la Montanha Negra en 2016.

Demografia

Evolucion demografica Populacion comunala actuala (2013): 1479, totala: 1514
1793	1800	1806	1821	1831	1836	1841	1846	1851
1 384	1 510	1 596	1 610	1 629	1 644	1 598	1 623	1 588
1856	1861	1866	1872	1876	1881	1886	1891	1896
1 605	1 566	1 468	1 510	1 546	1 516	1 584	1 506	1 405
1901	1906	1911	1921	1926	1931	1936	1946	1954
1 530	1 574	1 460	1 315	1 321	1 312	1 277	1 277	1 223
1962	1968	1975	1982	1990	1999	2006	2007	2008
1 275	1 177	1 206	1 208	1 225	1 221	1 238	1 239	1 240 1 273
2009	2010
1 303 1 338	1 319 1 353
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 1529 abitants e la densitat èra de 68,32 ab/km².

Véser tanben

• Comunas d'Aude

Ligams extèrnes

• Alzona sul site de l'Insee