Wikipèdia:La tavèrna/018

Archivat

La discussion çaijós foguèt desplaçada dempuèi de Tavèrna de Wikipèdia per aleujar aquesta pagina qu'arrèsta pas de s'alongar.

Motor de recèrcha

En picant un mot sobre lo quadre de «consulta/ recèrcha» se fan véser sens esperar d'entradas que començan per las meteissas sillabas. En escrivent lo mot de "Tuta", lo motor uèfra las entradas "Tuta "d'Altxerri", d'Antoliña", "d'Arenaza", "d'Atxuri", "d'Ekain", "de Goikolau", "de Santimamiñe" e "de Venta Laperra" que lhors articles dempuèi longtemps seguèron eschafats. Per quina rason i apareisson ? Tuc negre (d) 3 genièr de 2011 a 19.56 (UTC)

Adiu, es sonque que l'indexacion dels articles se fa pas "en temps real": cal demorar un bèl brieu abans de veire pas mai los articles escafats. Una rason per servar de redireccions... --— Joan Francés B. ^{(me´n parlar)} 4 genièr de 2011 a 06.07 (UTC)

Adiu. Grand mercé per ta responsa. Aquelas entradas son eschafadas dempuèi un an e mièg [1]. Tuc negre (d) 4 genièr de 2011 a 18.04 (UTC)

Traductor en linha catalan-occitan

Sembla que funciona: Traductor automàtic de l'occità --Lliura (d) 8 genièr de 2011 a 22.33 (UTC)

un utilizaire polemic, agressiu, grossier e ostile

l'utilizaire sebjarod a hornit lo nom de vilanova de magalona dens le lenga de petain apres aver asfaçat lo nom occitan de la paja de la wiki franchimanda. a responut dab ostilitat au noste messatge hornit per jf blanc. perpausi de'u responer simplament qu'a lo dret de pensar ço qui vou e qu'a de sgur lo pais de la dreta decomplexada enta desvolopar la soa intolerancia mes qu'a objectivament pas arren de constructiu de har aquiu e de'u blocar definitivament.

Objeccion (planviengududas totun) ?

--Lembeye (d) 12 genièr de 2011 a 22.02 (UTC)

Adieussiatz, Servis a pas res de far un blocatge definitiu per una sola accion agressiva, qu'es contrari als principis de bon foncionament de wikipèdia. Nos faria riscar un conflicte amb la wp francesa qu'i es un dels antioccitanistas mai acarnassits, e qu'a una còla de seguisseires. I interveni sovent tanben per documentar e argumentar, e se nos contentam pas d'arguments, se balham de sorgas fisablas, lo nòstre vejaire passa totjorn (veire la polemica longassa sus Vermenosa). Coralament, --— Joan Francés B. ^{(me´n parlar)} 15 genièr de 2011 a 12.12 (UTC)

Idèas forra borra

D'en primièr bona annada plan granada e acompanhada a totes los qu'ai pas saludats encara. Puèi vos vòli convidar al 10en anniversari de la Viquipèdia en catalan que se deu far al mes de març e que tractarà d'un fum de causas e subretot d'una session sus las lengas minorizadas (se volètz mai d'entresenhas, me podètz contactar) e espèri que podrem comptar sus una representacion occitana pro importanta... La segonda causa es, coma o avètz vist, que soi tornat aicí que vesi pas de progrèsses gròsses dins la Wikipèdia occitana... malastrosament. Sètz totjorn los meteisses, d'articles importants de la cultura occitana i son pas e capitam pas de nos implantar socialament... Alara, cal començar a nos organizar e a pensar en tèrmes d'estrategia. Prepausi doncas de crear una estructura un pauc equivalenta a Wikimedia CAT que se vos sembla plan ne podriam far president (s'o vòl) Jiròni (que me sembla una persona moderada, toleranta e capabla de comunicar amb totes sens cap mena de conflicte), puèi coma secretari/tresaurièr una de las personas seguentas: JF Blanc, Lembeye, Vivarés, TucNegre, Boulaur, Ricou31 o qualqu'un mai (perdon pels autres, vos coneissi pas totes e parli de los que coneissi mai e que son dels mai actius). L'associacion auriá per tòca de divulgar la Wikipèdia a partir de corses d'introduccion de la Wikipèdia per captar de gents, d'organizar d'actes mai importants (lo primièr se podriá benlèu far a Tolosa o ont nos seriá mai practic...) e d'ensajar de nos far conéisser e de far conéisser çò que fasèm; podèm pas estagnar aital tròp de temps... Per la debuta demandariam pas de moneda, mas se foncionam plan i podrem pensar. Puèi caldrà bastir de cooperacions amb las Wikis catalana, aragonesa, e basca que nos son las mai vesinas per veire cossí nos entreajudar. Caldriá veire de remotivar d'ancians participaires coma Scarf, Traucacaps e d'autres e de motivar las gents que coneissèm; caldriá ensajar de contactar los regents, los professors d'escòla, lo centre Apréner e benlèu los universitaris per integrar la Wikipèdia dins los estudis en la legir e melhorar. Cal especificar que se pòdon far fòrça causas, de fotografias dins los vilatges de las causas mai importantas, de recercas dins los archius, dins las bibliotècas de las fotos ancianas, de las revistas de temps passar etc... Aquí espèri vòstras idèas e comentaris e espèri que podrem trobar temps e energia per melhorar l'aisina. A lèu, tornarmai mos melhors vots per 2011 e las annadas seguentas... Capsot (d) 15 genièr de 2011 a 10.38 (UTC) PS: Vesi ara que benlèu es çò qu'a per tòca "Tot en òc" a mai se pensavi qu'aquesta associacion se centrava mai sus la societat e mens sus la Wikipèdia en particular. Me ne diretz un pauc mai se ne sabètz mai, s'existís un problèma de compatibilitat o quicòm mai; vòli pas desfar çò qu'es ja estat bastit ni mai far de concurréncia...

Adieussiatz a totes, adieu Capsot. Soi bravament onorat qu'ajas pensat a ieu per aquela presidéncia, mas i soi pas candidat pr'amor que d'en primièr ma profession me daissa pas pron de temps per me consacrar d'un biais seguit e seriós a un tal pòst, puèi gestion e organizacion son pas mas qualitats primièras. Pasmens se l'afar se fa acceptariái d'i aderir e mai se ma participacion risca d'èsser episodica. Coralament. Amistats Jiròni (d) 15 genièr de 2011 a 12.03 (UTC)

Còmpte tengut de nòstrei fòrças limitadas, e —coma Capsot o ramenta çai subre— de l'existéncia de l'associacion Tot en òc (afiliada a l'IEO), seriá interessant de prendre contacte per veire çò que se pòt faire amb elei. Personalament, participi ja a pron d'associacions e vesi mau coma prendre d'autrei responsabilitats. Coralament, Vivarés (d) 16 genièr de 2011 a 11.56 (UTC)

Mercés de vòstras responsas, espèri que n'aurem d'autras... L'idèa principala es d'ensajar d'organizar un pauc lo foncionar aicí e d'optimizar los potencials; las responsabilitats en realitat serián pro virtualas a la debuta, çò essencial es de credibilizar mai l'aisina per venir una referéncia e motivar la participacion que sèm pas pro nombroses... Lo fach de crear aquesta organizacion nos permetriá d'aver una credibilitat dins lo mond real per, per exemple, anar far de convènis amb d'entitats coma per exemple lo Cirdòc, de mediatècas, de bibliotècas o d'archius de las capitalas (mancam de fotografias e de fòrça documents ancians...) e de dintrar mai facilament un pauc de pertot. Sabètz, dins Amical de la Viquipèdia, cadun fa çò que pòt, d'unes trabalhan fòrça e d'autres son mens presents e passa pas res, anam pas tombar dins la reunioniti e encara mens dins la mesura que las causas se pòdon far virtualament. Un dels primièrs passes serà de veire quinas son las prioritats, quin es nòstre public. A mai se me sembla interessanta, l'idèa dels 1000 articles de pes nos conven pas: 1) avèm pas pro d'utilizaires per los far e seràn essencialament de modèls del francés (lenga de revirada per excelléncia) > consequéncia, las gents van cercar aqueles articles dins la Wiki francesa, 2) correspond a una vision de lenga majoritària: las tematicas o autors o... de lengas minorizadas i son pas contempladas. Mon vejaire es que nos cal enfortir çò occitan (e aquí podèm far melhor que los franceses!): 1) los trobadors, 2) los felibres, 3) las localitats occitanas, 4) los autors e los cantaires/grops contemporanèus, 5) tradicions popularas e vos laissi pensar al demai. Puèi, qual nos pòt legir? Essencialment lo jovent, probablament los de Calandreta (caldrà ensajar de far dintrar/emplegar nòstra wikipèdia dins las escòlas) e alara me sembla que las designacions actualas amb lo nom latin pels animals convenon pas e pòdon sonque rebutar. I a tanben una necessitat de fargar las bóstias de descripcion dels personatges a man drecha en s'inspirar de las autras wikipèdias. Aquí qualques ideonas mas bon caldrà anar dapasset. Se Jiròni accepta pas lo cargue, de qué vos sembla Lembeye que me sembla pro consensual tanben? Bona nuèch, a lèu, Capsot (d) 16 genièr de 2011 a 22.40 (UTC)

Siáu d'acòrd ambé lei constatacions e la màger dei besonhs enonciats per Capsot, especialament l'identificacion dau public e la credibilitat de Wikipèdia. Pensi qu'es lo ponch essenciau e mai malaisat per definir una estrategia quina que siegue (abandon parciau de l'objectiu 100, renforçament deis articles a prepaus d'Occitània, politica de valoracion d'articles de qualitat... etc.). Pasmens, me demandi coma far ? De mai, bessai podrem discutir a prepaus de nòstrei participacions e objectius de desvolopament de l'enciclopedia. En clar, que volèm far de Wikipèdia dins lo futur ?--Nicolas Eynaud (d) 17 genièr de 2011 a 20.16 (UTC)

Adieu Capsot: Bona Annada e felicitacions per ton projècte d'organizacion que tornarà a l'avantatge de la societat de la coneissença. Tuc negre (d) 20 genièr de 2011 a 18.47 (UTC)

Adieussiatz, demèst las contribucions grandassas cal pas doblidar lo Cedric, qu'es lo nòstre sol burocrata (qu'a de dreches estenduts). Cresi que cadun fa çò que pòt - e tanben çò que vòl - quand o pòt. Personalament, tre qu'ai léser fau a cha pauc las comunas d'Alèir, sonque pr'amor qu'es lo primièr departament occitan. Après, ensagi de temps en temps de far los articles novèls ligats a l'actualitat, mas depend encara mai del temps qu'ai. Lo cotidian es de velhar sus las contribucions novèlas : far la benvenguda mas tanben verificar lo contengut de las modificacions per esvitar lo vandalisme. Actualament ai pas gaire mai de temps... Per la rèsta, benlèu que l'idèa seria de metre en plaça de projèctes : lo monde definisson las tòcas, los que vòlon ajudar s'i marcan. Cal pas abandonar lo projècte 100, 1000 o 10000, mas cal pas doblidar tanpauc las especificitats de la cultura occitana. Tre qu'ai lo temps, vau engimbrar un projècte "Comunas d'Occitània". Vo'n vendrai parlar aici. Coralament, --— Joan Francés B. ^{(me´n parlar)} 18 genièr de 2011 a 16.51 (UTC)

Adiu, e mercés Capsot per aquesta perpausicion. Per que pas mes calere parlar mei precisament d'aqueth projecte. En tota sinceritat, te podem seguir tanben a tu s'as ua idea precisa de gavidar. Per lo moment que so dacord dab mantuas causas ditas aqui e mei que mei : _Dab l'idea de comunicar en dehora de la wikipedia per "recrutar" _Dab la manca de proj(cte, donc de coeréncia, donc de ierarquia. _Dab lo besonh de prepausar un punt de vista centrat sus la realitat occitana (qu'es pas ua lenga regionala e que despuish tostemps e otramarina e de portada universau - Occitan qu'ei ua de las granas lengas d'Europa e en Occitania que son vaduts mantuns artistas e scientifics -).

Despuish tostemps que pensi que : _cau pas tanpauc sentir la pression de las granas wiki (per exemple un article d'una linha sus cada comuna que da au minimum lo nom occitan, ço qu'es una informacion au mens ; ua infobox completada qu'ei alavetz un tribalh trop pesuc. _que's cau demandar enta qui escriver e dilheu ensajar de seguir lo niveu minimum dehens las disciplinas escolarias qu'ei un biais d'estar utile au mens entaus escolans. _que cau que cadun, s'ac a lo parat, en hiqui lo maximum dens la soa especialitat e los son gost.

un cop mei, que ns cau estar mei numeros e aquo qu'implica mei de contactes en dehora, sia virtuaus, sia reaus.

Enta nos amassar un cop, e sere possible un conferencia deu tipe skype ?

A beth leu,

--Lembeye (d) 19 genièr de 2011 a 17.43 (UTC)

Qualques responsas forra-borra, perdon...

Perdon ai agut la canha de metre un milierat de ponches per entamenar la(s) responsa(s). Alara ensagi de veire, primièr benlèu çò mai recent. Mercés per las responsas e mercés per l'onor que me fas Eric/Lembeye, pasmens coma o disiái abans, 1) lo president deu èsser una persona consensuala e pensi pas d'o èsser per encausa de conflictes que i aguèt abans e que dau mai veni vièlh dau mens tolèri cèrtas actituds e mandi cagar aisidament (benlèu tròp mas bon...) e 2) soi tanben membre de l'Amical catalana e sèm ja marcats negativament dins fòrça encastre e vòli pas qu'aquesta negativitat se pòrte sus quicòm qu'a pas començat; mas bon empacha pas que dins lo temps liure qu'aurai (o que me laissaràn la familha e las causas que devi carrejar...) ensajarai d'ajudar, d'intervenir e de fissar per far avançar las causas.

Amassadas

Sabi pas se Skype es de comunicacion aisida per mai de doas personas, pensi pas mas soi pas un afogat de la tecnica. Los catalans (e d'autres) an un chat qu'i fixan una data per s'i connectat e mai aparentament devon aver mai d'un canal e sembla que d'unes son dobèrts de longa e que s'i pausan de questions sense passar per las paginas d'utilizaires, çò que pensi fa ganhar de temps tanben... Segon mon experiéncia es plan mas s'arribas un pauc tard e que i a ja una discussion te còsta de seguir e puèi, de còps las idèas se barrejan e sabes pas mai qual respond a qué, pr'aquò me sembla pro plan. Te pòt benlèu demandar una ora al mes e lo que pòt s'i connècta se vòl/o pòt. Benlèu que seriá pas marrit de veire de far una amassada oficializada (per la mediatizacion...) mas agradiva, amb un supòrt institucional coma la region de Tolosa, pensi qu'Estève Cròs i seriá favorable, qualques conferéncias debats (pòdi far venir qualques catalans se cal, e benlèu de basques), un aperitiu e una grasilhada e se foguèsse possible clavar amb un concèrt (caldriá cercar un finançament benlèu e veire cossí e ont far, mas bon aquò es pas preissat), se petaçar/comunicar per las veituras per evitar los fraisses gròsses...

Articles d'una linha

Personalament, compreni plan çò que dises. Pasmens en general se viras la pagina aleatòria sovent, t'avisas que los articles d'una linha son plan (tròp) nombroses. Cresi pas que nos interèsse de far de chifras mas d'èsser legits, d'atirar de personas que vengan portar pèira e energia. Al cap d'un moment coma lector se t'avisas que los articles son bufècs, te fas un vejaire negatiu de l'aisina e te'n vas legir en lenga nauta... d'un biais gaireben definitiu. Pensi que cal importar los modèls de las infobóstias (mas aquò ai pas pro d'experiéncia) e puèi las importam dels articles en francés, catalan o mai... e la revirada se fa automaticament.

Domenis e especialitats

A mai se compreni çò que ditz Joan Francés, que volèm trabalhar sus çò que nos interèssa, cal pas pèrdre de vista qu'aquò es una enciclopèdia, es pas una òbra literària e que doncas nos cal far de causas que nos agradan mens o pas gaire... malastrosament ja que sèm pas gaires. I a d'imperatius que son gaireben "economics", es a dire que cal saber vendre aquesta aisina e la concurréncia es ferotja... Pensi que cal quicòm de mejan, veire las especialitats de cadun coma o disiá Lembeye (benlèu formar de còlas, sabi pas...), veire los gostes de cadun a l'encòp e tanben veire l'airal geografic ont demoram per nos poder investir dins d'accions localas (per exemple qualqu'un a ras de Besièrs pòt anar far/cercar de fòtos de documents, de personatges, de libres...) e aital nos balhar d'indicas o d'idèas recipròcament.

Tematicas importantas e 1000 articles

Pensi que cal subretot balhar una prioritat mai qu'abandonar çò qu'es ja estat mes en plaça e me sembla que Toku o a comprés. Cal d'en primièr, cresi, destriar, dins los 1000 las tematicas occitanas o que nos son pròchas e ensajam de las completar. Nos interèssa tanben de far d'articles diferents del francés e aquí l'alh! Pensi qu'una de las prioritats mai agudas es 1) de completar l'article sus Mistral (es un dels referents màgers; sus Gallica an un fum de fòtos mas sabi pas fins a quin ponch las podèm emplegar), d'autors recents de pes: Max Roqueta a pas de fòtos, caldriá contactar sos descendents o los ostals d'edicion o sabi pas...), Bernat Manciet e Miquèu Camelat per Gasconha, Aubanèl, Bodon, Perbòsc, Delpastre... Cal incitar Danís (qualqu'un lo coneis?) a melhorar l'article de Micheu Chapduelh e puèi de prendre la direccion d'un pòl Lemosin (coma i deuriá aver un pòl Provença)... L'idèa de las Comunas Occitanas de Joan Francés me sembla bona, esperam tas nòvas (s'as léser, pòdes completar l'article sus ta persona, li botas una fotografia, qualques causas sus las originas, lo perqué de l'activisme occitan e mai... e veirai se i a una version catalana e se podèm ne fasèm un article de qualitat!)

Ajudas a la bastison

Nos podèm ajudar de çò ja sortit, avèm Mesclum: [2] per bastir una debuta d'article puèi de possibilitats de recerca amb www.google.books, www.gallica.fr o www.archive.org.

Contactar los autres

N'i a qu'an de contactes amb Trauca-sacs, Scarf e totes los autres per veire se los podèm remotivar?

Fin finala

Aquí, veirem, de tot biais mercés per vòstras responsas que vesi que vosautres tanben vos pausatz de questions, mercés per çò qu'avètz ja fach e per çò que farem e pensi qu'amb un pauc de concertacion e d'iniciativas comunas arribarem a melhorar e credibilizar l'aisina. A lèu, amistats, Claudi/Capsot (d) 20 genièr de 2011 a 11.26 (UTC)

Nos cal pas doblidar que se las gròssas wikipèdias (e la quita catalana) an una concurréncia sus papièr, en occitan avèm pas d'autra enciclopèdia que la wikipèdia qu'i trabalham totes. Mas te pòdi dire qu'amb l'ajuda de totes, e voldria sotalinhar lo trabalh de corrector colossal de Vivarés, avèm ja un aplech de plan melhora qualitat que la wp francesa. --— Joan Francés B. ^{(me´n parlar)} 20 genièr de 2011 a 12.49 (UTC)

Projècte Comunas d'Occitània

Ne discutèrem, n'avètz un esbòç desenant : Projècte Comunas d'Occitània. --— Joan Francés B. ^{(me´n parlar)} 31 genièr de 2011 a 22.18 (UTC)

Rapòrt d'un ahar administratiu

Simonmonsegu qu'a nomenat Utilizaire:Simonmonsegu en Occitania2002, shens hicar lo mot «utilizaire». Coraument, Tuc negre (d) 2 febrièr de 2011 a 15.47 (UTC)

Me'n maini. Coralament, --— Joan Francés B. ^{(me´n parlar)} 2 febrièr de 2011 a 17.02 (UTC)

Sants e prenoms

Adieussiatz, Qualques creacions recentas d'articlas me fan pausar aquelas questions:

1. Se cal laïcizar las dintradas de Wikipèdia?
2. Se cal occitanizar los prenoms?

Qualques articles :

• Las Confessions de sant Augustin mas Agustin d'Ipòna
• Tomás d'Aquino
• etc.

Me sembla que:

1. Cal laïcizar las dintradas (levar los "sants")
2. Causir se metèm una majuscula a sant (i a una règla ?)
3. Definir tanben çò que fasèm dels prenoms : me sembla illogic d'aver un Tomás (catalan ? espanhòl) e non pas un Tommaso italian (qu'avèm d'Aquino) o un Tomàs occitan (dins aquel cas cal revirar Aquino)

Qué ne pensatz? --— Joan Francés B. ^{(me´n parlar)} 11 febrièr de 2011 a 09.40 (UTC)

Adiu Joan Francés. Veni de tornar dirigir Tomás d'Aquino cap a Tomàs d'Aquino. Aviái pas vist lo teu messatge, me soi fisat per aquò a la Viqui catalana que lo pichon nom i es revirat mas pas lo nom d'ostal.Coralament.Jiròni (d) 11 febrièr de 2011 a 12.17 (UTC)

L'usatge de totei lei lengas romanicas —comprés l'occitan— consistís a adaptar lei noms de sants, e mai lei noms de sobeirans e lei noms de papas. Es preferible de chausir una forma generala e classicizanta: Sant Augustin es preferible a Sant Agustin, Sant Agostin o Sant Guston...--Nil Blau (d) 15 febrièr de 2011 a 17.59 (UTC)

Vòli pas faire de generalitat, mai aumens per aquest cas, remarqui que ni en catalan (Agustí d'Hipona, Sant Agustí) ni en espanhòu (Agustín de Hipona, San Agustín) ni en italian (Agostino d'Ippona, Sant'Agostino) nimai en portugués (Agostinho de Hipona, Santo Agostinho) s'utiliza una forma classicizanta dau prenom. Agustin es la forma preconizada per lo TDF. Lei meteissei lengas utilizan de formas classicizantas per lo prenom August (catalan), Augusto (espanhòu, italian, portugués). Vivarés (d) 16 febrièr de 2011 a 22.50 (UTC)

As completament rason: August e Agustin deurián èsser lei formas referencialas.--Nil Blau (d) 18 febrièr de 2011 a 21.59 (UTC)

I a pas encara de règlas completas en occitan per la gestion dei majusculas. Vau mai seguir leis usatges pus simples e pus instintius que, sovent, son aquelei de l'anglés o de l'italian. Me sembla que Sant Augustin es pus simple que sant Augustin. Es pus aisat de seguir un tractament omogenèu («La vila de Sant Estève pòrta son nom en onor de Sant Estève.») que non pas un tractament amb d'excepcions tròp subtilas («La vila de Sant Estève pòrta son nom en onor de sant Estève.»).--Nil Blau (d) 15 febrièr de 2011 a 18.15 (UTC)

Per çò qu'es d'Agustin e Augustin, perdon de far lo reborsièr mas ai l'impression que la forma Augustin èra la forma majoritària, probable "referenciala" temps enrè... (s'aguèssetz besonh de referéncias, me vos las cal demandar) Claudi/Capsot (d) 27 febrièr de 2011 a 17.52 (UTC)

Noms francés de comunas

Adieu,

suspausi que d'autes aqui que son mei assabentats que jo, donc aqueth messatge qu'ei autan un punt de vista qu'ua question ; vesi que dens mantua paja de comuna occitana en frances lo nom occitan qu'ei mentavut sonque dehens lo paragraf toponimia (dens d'autes cas qu'ei de bon veder a la debuta de l'article. Donc perpausi de har mesquinament la contrapartida aqui (per exemple, esconer - mes deisher - lo nom frances de totas la comunas bearnesa per'mor ua certa Tella de la wiki franncesa qui aveva ja denagat las categorias Bearn e bascoat qu'estima uniteralament que los noms de comunas en occitan que son segondaris.

Jo qu'ei trop chic de nervis enta passar trop de temps sus la wiki francesa, donc que ne'n pensan los qui la coneishen mielher ?

A beth leu.

--Lembeye (d) 13 febrièr de 2011 a 17.33 (UTC)

En 2009, aviam decidit de metre lo nom oficiau de la comuna (francés o italian) dins l'article, per ajudar aquelei que conoisson pas lo nom occitan, cf. Wikipèdia:Carta lingüistica#Noms pròpris, e de fach l'aviam mes en tèsta, entre parentèsis (exemple: Marselha). Segon aquela règla, quand lo nom oficiau es pas mencionat, es un oblit. Vivarés (d) 13 febrièr de 2011 a 20.16 (UTC)

Emai se poiriam reprene l'argumentacion dels "jacobins" ("per aver lo nom oficial, sufís de clicar sus Français o Italiano dins la lista dels ligams interlenga") soi d'acòrdi amb Vivarés : nosautres doblidam pas la tòca didactica d'una enciclopèdia... Coralament, --— Joan Francés B. ^{(me´n parlar)} 14 febrièr de 2011 a 05.42 (UTC)

Restabliment d'articles e de lors discussions

Cars administrators: sens vos comandar, voldriái qu'aquelas entradas ancianas foguèsson restablidas: Centre Nacionau d'Entresenha (Espanha), Servici d'entresenha, Discutir:Servici d'entresenha, Euskadi ta Askatasuna e Discutir:Euskadi ta Askatasuna. Tuc negre (d) 15 febrièr de 2011 a 16.44 (UTC)

Request

Dear guys, please see en:Wikipedia:Articles_for_deletion/Pascual_Candel_Palazón. The article was also suggested for deletion on ro.wp and pt.wp. I'd appreciate you guys looking at the article you currently host on your project. Thanks. --Rebel (d) 17 febrièr de 2011 a 09.12 (UTC)

Proposicion de supression

Adishatz, que prepausi de suprimir l'article Istòria d'Egipte dont lo contiengut ei représ dens los nombrós articles de la seccion "Egiptologia". Eòle (d) 17 febrièr de 2011 a 12.45 (UTC)

Redireccions

Vesi pas lo profièch de redirigir Roger Barthe‎, Claude Brueys‎ e Justin Bessou‎ vèrs lors entradas en occitan. Coralament, Tuc negre (d) 21 febrièr de 2011 a 20.44 (UTC)

Adieu. Malastrosament la màger part de la produccion d'aqueles autors se faguèt pas dins la nòrma actuala e pòdon existir fòrça dobtes e discussions per çò qu'es dels noms, los catalans per exemple gardan Santiago Rusiñol e pas Santiago, o mai Jaume, Rossinyol... La transformacion dels noms es pas aisida e pas globalament acceptada... Aital se qualqu'un cerca l'autor jos la forma mai frequenta e de còps unica coma Justin Bessou lo trobariá pas aicí, conven doncas, a mon vejaire, de laissar las doas formas. A lèu, amistats, Claudi/Capsot (d) 24 febrièr de 2011 a 18.14 (UTC)

As rason. En fach, fòrça noms de familha dins lo País Basc son gascons e s'escrivon segon las nòrmas francesa o espanhòla. A lèu, amistats, Tuc negre (d) 28 febrièr de 2011 a 11.49 (UTC)

Fasètz çò que volètz. Mai segon l'usatge tradicionau occitan (atestat massissament), lei noms de personas que son d'origina occitana s'utilizan sota una forma occitana (oralament) e se dison pas en lenga dominanta. La question de la grafia d'aquelei noms es un autre problèma (per ex. Brueis o Brueys es dins lei dos cas un nom occitan, mai la primiera grafia es codificada, la segonda o es pas).--Nil Blau (d) 1 març de 2011 a 15.22 (UTC)

Se lo problèma es que quauqu'un risca de pas trobar un nom d'autor, es parier que per lei noms de comunas, e i a una solucion que necessita pas de crear de redireccions: avèm decidit en 2009 d'indicar dins cada article consagrat a una comuna occitana lo nom en lenga oficiala (francés o italian); aquò permet en quauqu'un que conois pas la forma occitana de trobar l'article, gràcias a la foncion de recèrca. Avètz que de picar Égletons (forma francesa ben diferenta de la forma occitana) dins la boita de recèrca, e trobaretz l'article. Vivarés (d) 1 març de 2011 a 19.02 (UTC)

Promocion de l'article Uranus

Ai prepausat aquest article per l'estatut d'article de qualitat. La pagina de vòte es aicí : Wikipèdia:Proposicion articles de qualitat. Coralament.--Toku (d) 24 febrièr de 2011 a 17.47 (UTC)

Categorias

De categorias novèlas vènon d'èsser creadas, que la categoria:Comuna de Baish Ador. Avís! L'article definit en occitan i es absent. Coralament, Tuc negre (d) 25 març de 2011 a 17.43 (UTC)
Plan notat, gardarei un uèlh dessús ! Boulaur (d) 25 març de 2011 a 20.01 (UTC)

Creacion d'una associacion

Adieu a totes, Coma n'aviái parlat fa ja qualque temps, torni amb l'idèa de l'associacion. Personalament m'estimi mai que siá un daquòs independent de las autras estructuras existentas, aprèp aurem una libertat d'associacion e soi completament favorable per collaborar e ajudar las autras associacions coma Tot en òc o mai l'IEO o qual que siá mas m'agrada pas de crear quicòm de nòu e d'aver ja d'etiquetas sus l'esquina e/o d'obligacions... n'aurem al cap de qualque temps de tot biais...

Ossamenta

Nos cal aver una esqueleta per ensajar de far bolegar las causas, vesètz qu'ai agut de fòtos d'Eric Fraj per exemple. Me foguèt pro aisit que lo coneissiái un pauc, mas bon es plan melhor de dire que sèm l'organizacion "Marcamau" puslèu que de se presentar individualament (avètz comprés qu'una de las tòcas de l'associacion seriá de demandar de fòtos liberadas de dreches e de veire se podèm aver de donacions d'archius per exemple (pensi a la familha de Max Roqueta per exemple), o de documents divèrses qu'enriquirián l'aisina...), aurem mai de pes e de prestigi dins lo mond de carn e òsses se foncionam aital...

Libertat d'expression

Vos laissi/laissam libertat per criticar, melhorar e botar en plaça çò que voldretz a mai als que seràn pas membres de l'Associacion.

Presidéncia e mai

Personalament m'agradariá que ne foguèsse president Eric/Lembeye. L'apreciavi ja abans e aprèp l'aver vist (representèt aquesta wiki a la Trobada que faguèrem a Perpinhan...) lo ligam e la fisança an crescut mai (li fau una fisança gaireben totala e vos demandariá de far parièr, per plaser..., es jove, polit e intelligent, parla gascon e provençau (e mai espanhòl entre d'autras lengas segur...), es gaireben perfièch!) e pensi que serà un president de tria per l'associacion (en seguida podrem far virar en organizar d'eleccions quand serem mai estructurats...). Los autres pòstes serián mens importants actualament, podèm veire aprèp mas se i a de volontaris, seràn benvenguts...

Paginas e embrion d'organizacion

Benlèu seriá plan de crear una pagina (un/a volontari/ària?) per demandar qual vòl èsser membre de l'Associacion (totes sètz benvenguts independentament de vòstre nivèl d'occitan, de l'endrech ont demoratz o qué que siá; personalament m'agradariá de poder comptar Tuc Negre o Joao Xavier e totes los autres coma membres... a mai poguèsse èsser simbolic mas seriá un imatge d'unitat e n'avèm de besonh!) en assabentar totes los usancièrs d'aquesta creacion (un/a autre/a volontari/ària?), ieu perdon soi pas especialista de la(s) tecnica(s). Puèi nos caldrà centralizar e far passar las informacions (emails, adreças, telefòns, airal(s) geografic(s), competéncias tematicas de cadun de nosautres per ensajar de nos organizar melhor e veire qual es mai indicat per far qué...).

Nom

Se qualqu'un a una idèa, mai o mens intelligenta e pivelaira, de nom per l'associacion seriá perfièch. Pensavi a WikiÒc mas benlèu caldriá pensar a una idèa de grop coma en catalan "Amical de la Viquipèdia", pr'aquò pensi que còla o chorma seriá pas pro adequats, mas bon veirem, podèm votar las proposicions.

Aquí podètz (o espèri) completar, melhorar, criticar, corregir tot çò qu'es estat escrich adès. A lèu, amistats e endavant! Bona nuèch Capsot (d) 5 abril de 2011 a 19.54 (UTC)

Wikitèxtes/Wikisources

Una autra idèa seriá de tornar reviscolar lo projècte de Wikitèxtes/Wikisources. Ne parlèrem amb un israelian plan agradiu, Amir Aharoni, que s'interèssa fòrça a l'occitan (e a una cordelada de lengas...) e pensa qu'aquesta aisina lo pòt ajudar fòrça (cal pensar que se per nosautres es malaisit d'accedir a de tèxtes occitans o es encara mai dins mantun país...), cresi que Lembeye i es interessat, ieu i pòdi participar, doncas tre que sabrem qual s'i pòt interessar, participar, "atacarem" la pagina de Meta per obtenir la permission de lo crear e "atacar" lo trabalh!

Adieu, as doblidat la signatura... qualques mots. Sus las fotos e los tèxtes, me sembla qu'un trabalh amb las institucions occitanistas faria bon far: utilizar los fonds del CIRDOC, de l'Institut Occitan, del Ciel d'Oc... de tèxtes vièlhs editats per l'IEO o d'autres... I vau pensar. --— Joan Francés B. ^{(me´n parlar)} 6 abril de 2011 a 04.41 (UTC)

Òc, segur, aquò èra una mena de PS... fach un pauc tròp a la lèsta, mercés... Capsot (d) 6 abril de 2011 a 07.17 (UTC)

Adishatz,

oc e aquo qu'ei hera interessant ; deu men punt de vista, qu'ei explicat justament a Amir qu'aver los trobadors (qu'i son ja picatz sus inetrnet, donc una partida deu trabalh aqui qu'ei ja heita), Mondonvila, Jasmin e Mistrau qu'ei interessant enta l'occitan mes mei que mei enta la "world literature".

E solide qu'aquo dab ua collabocion dab lo cirdoc que dare lo parat de har de la wiki un intelocutor institucionau (ua mena de reconeishença diplomatica).

Que soi donc de segur volontari. Amir que m'a explicat (qu'ac sabètz benleu deja) que wikisource qu'ei lo texte d'origina : ua edicion letra per letra quina que sia la grafia.

Ua darrera causa, question beociana, benleu enta tu mei particularament Joan Frances : e on ne'n son los estilos electronics qui poden leger un texte e picar automaticament en tractament de texte : marchan de com cau adara ?

--Lembeye (d) 6 abril de 2011 a 06.17 (UTC)

Associacion

tan que i em, e poden dilheu tornar parlar d'ua associacion. Qu'avem vist a Perpinhan l'interest que i a e mei que mei aquo que sere d'aver ua personalitat juridica qui pot har demarchas (publicitat, edicion de desplegant, persona juridica morau qui pot arreceber donacions, activitat sociala).

Jo un cop mei que'm porti volontari enta e'n estar membre, quin que sia l'estatut. Que ns' calere sonque veder se amassas e podem arribar au minimu.

A beth leu.

--Lembeye (d) 6 abril de 2011 a 06.23 (UTC)

Alara un "tecnician" per començar a bastir la pagina: "Creacion d'una associacion de wikipedistas" amb l'opcion de se marcar e mai luènh de far de comentaris...? e a mai transferir en discussion tot çò qu'es ja estat dich sul sicut? Mercés, a mai tard, bona jornada! Capsot (d) 6 abril de 2011 a 07.17 (UTC)

Adiu, arren d'enlugarnant mes aus mens qu'ei ua debuta : Wikipèdia:Proposicion de creacion d'ua associacion. --Lembeye (d) 11 abril de 2011 a 20.24 (UTC)

Promocion de l'article Tomàs d'Aquin

La pagina de vòte es aicí: Wikipèdia:Proposicion articles de qualitat.--Toku (d) 8 abril de 2011 a 17.21 (UTC)

Multilingual Challenge

Anonci: Escomesa multilingua Derby. Vaicí lo premier esfòrç multilingue. Cada wikipedian pòt participar a aquest concors en quina lenga que siá. L'escomessa se debana dau 1º de mai fins au 3 de setembre de 2011.

Announcing the Derby Multilingual Challenge This is the first multilingual Wikipedia collaboration. All Wikipedians can take part, in any Wikipedia language. The challenge runs from 1 May until 3 September 2011. Sign up now! " Wikipedia is particularly pleased to see that Derby Museums are encouraging the creation of articles in languages other than English." (Jimmy Wales, 14 January 2011)

Andrew Dalby http://perso.wanadoo.fr/dalby/ (d) 2 mai de 2011 a 13.32 (UTC)

Eleccions al Board

Adieu a totes, vos assabenti que me soi presentat al Board, mai per far passar de messatges que per èsser elegit (pensi pas d'aver pro de temps per gerir ma vida familhala, la professionala, los problèmas divèrses, las Wikipèdias e tot lo demai mas veirem...). Espèri que seretz nombroses a votar, e s'es possible pels candidats mai indicats per l'occitan, aquesta Wikipèdia e las autras. Los enjòcs son gròsses per las lengas coma l'occitan e cresi que veiretz aisidament los qu'an de posicions mai favorablas a las minoritats e al progrès dins los projèctes e ennaut. Vos assabenti tanben que l'occitan es pas dins las lengas de revirada, soi a mand de far la mia, mas se demòra aital serà pas visible (e ieu soi blocat sus Meta doncas o pòdi pas far...). A lèu, amistats e mercés a lo qu'i integrarà l'occitan. Claudi/Capsot (d) 23 mai de 2011 a 09.18 (UTC)

Adishatz

Que volèvi mençonnar a la nosta comunautat qu'avem ja establida ua lista de difusion per corrier electronics enter los membre qui se son manifestats com interessats enta har partida de la futura associacion WikiOc. Se d'aute e hossen interessats, los cau pas esitar a me contactar.

A beth leu.

--Lembeye (d) 26 mai de 2011 a 21.44 (UTC)

Fin de las eleccions! Deman darrièr jorn!

Adieu a totes. Pensi qu'avètz votat totes o gaireben e vos vòli mercejar per vòstre civisme que los enjòcs son importants e qu'espèri que los candidats mens ostils a las lengas sens estat seràn causits. Se per cas avètz pas encara votat, avètz fins deman per o far, aprèp serà tròp tard. A lèu, amistats, Claudi/Capsot (d) 11 de junh de de 2011 a 09.12 (UTC)

Retorn

Adissiatz a totes. Soi un dels primièrs contributors d'aquela wikipèdia e ne soi un dels administrators. Soi estat absent plan longtemps, mas ai decidit de tornar.
D'en primièr, vau agachar tot çò que se faguèt pendent mon abséncia e vos prepausi de tornar prene mon trabalh sus la zoologia e sus las paginas d'administracion ?
Coralament. --Cedric31 (d) 13 de junh de de 2011 a 09.29 (UTC)

Sabi pas se te fau faire la benvenguda... En tot cas es una bòna novèla. Amistats. Vivarés (d) 13 de junh de de 2011 a 10.14 (UTC)

Adieu Cedric, un plaser de te tornar legir... es una bona idèa, qu'aquelas paginas son en vacu... Amistats. --— Joan Francés B. ^{(me´n parlar)} 13 de junh de de 2011 a 10.33 (UTC)

Mercés a totes dos. Amb mai de 60000 contribucions en 4 ans, aviái perdut un pauc lo vam. Me calguèt una pausa. Vesi qu'ara l'ambient sembla pus apasimat, e vau tornar ensajar de me far utile. --Cedric31 (d) 13 de junh de de 2011 a 10.40 (UTC)

Adiu Cedric e aquo que he plaser. --Lembeye (d) 20 de junh de de 2011 a 10.42 (UTC)

wiki franchimanda

Adishatz e que'n proheiti enta me desencusar, desempuish duas setmana l'auratge qu_e m'a copat internet a l'ostau e aquo b'ei tostemps pas adobat.

Que'm permeti de senhalar a tots e en particular a Capsot, JF Blanc e Vivares qu'ua enquista qu'èi estada heita (dilheu qu'ac sabetz ja) [3]enta saber s'eram la medisha persona ensajant de plear la pagina de votes oc ; ua persona distreita de segur puish que capsot non vote pas per'mor lo son vote era pas admissible enta la wiki franchimanda.

Tot aquo enta demandar se podem (los adiminstrators amassas) serenament d'entamenar ua procedura de mediacion e de planh aupres d'eventuaus membres de bona fe sus la wiki francesa enta soslinhar los elements de mala fe deu utilizaires qui ensagen de suprimir la pagina Per Noste enta que dens l'aviener tot aquo e sia arbitrament mei onestament e encara un cop mei serenament. --Lembeye (d) 20 de junh de de 2011 a 10.42 (UTC)

Res nos empacha pas d'i dire nòstre vejaire; amai s'avèm "rason" ! --Cedric31 (d) 24 de junh de de 2011 a 05.30 (UTC)

Promocion de l'article Galhac (vin)

L'article Galhac (vin) tèn totei lei caracteristicas d'un article de qualitat (veire Wikipèdia:Qu'es un article de qualitat ?) :

  1. Es plan escrich, estable dempuei març de 2011, argumentat e neutre.
  2. Respècta la convencion d'estil amb una introduccion, un plan detalhat e un ensems de fònts bibliograficas, de nòtas e de referéncias.
  3. Leis illustracions son pertinentas a respèct de la partida de l'article que representan.
  4. La longor de l'article es importanta (67000 octets) mai existís un equilibri entre lei partidas diferentas de l'article. Ansin, l'article demòra dins lei limits dau subjecte sensa considerar de detalhs tròp importants.

D'autra part, la promocion d'aquest article es una ocasion d'aver un article suplementari considerat coma de qualitat a prepaus d'un subjècte liat a Occitània e fòrça superior ais articles deis autrei projèctes.

La pagina de vòte es aicí : Wikipèdia:Proposicion articles de qualitat.--Toku (d) 20 de junh de de 2011 a 15.42 (UTC)

Grèc > grèga

Adieu a totes. Abans d'o cambiar de pertot, me vòli assegurar que sèm totes d'acòrdi que lo feminin de grèc es grèga. Mercés. A lèu, Claudi/Capsot (d) 23 de junh de de 2011 a 06.57 (UTC)

Per ieu, òc. --Cedric31 (d) 24 de junh de de 2011 a 05.30 (UTC)

D'acòrdi per grèga. Lo femenin autentic, probable, deu èsser grèga puslèu que grèca. La forma grèga es de formacion populara, s'utiliza majoritàriament dins de dialèctes occitans de la còsta mediterranèa que son en relacion multiseculara amb de mariniers o de marchands de Grècia (grèga, per exemple, es la sola forma usuala en provençau maritim e en niçard; sembla d'èsser la forma dominanta en occitan ancian). Tanben, grèga a l'avantatge de formar una sèria coerenta amb d'autrei mots de la meteissa familha coma gregau/gregal. La forma grèca es possiblament un francisme (o, mens probable, una formacion culta).--Nil Blau (d) 24 de junh de de 2011 a 16.12 (UTC)

Call for image filter referendum / Referendum pel filtratge d'imatges

The Wikimedia Foundation, at the direction of the Board of Trustees, will be holding a vote to determine whether members of the community support the creation and usage of an opt-in personal image filter, which would allow readers to voluntarily screen particular types of images strictly for their own account. La fondacion Wikimèdia es per organizar una votacion per saupre se cal metre en foncion un filtratge d'imatge personalizat.

Further details and educational materials will be available shortly. The referendum is scheduled for 12-27 August, 2011, and will be conducted on servers hosted by a neutral third party. Referendum details, officials, voting requirements, and supporting materials will be posted at Meta:Image filter referendum shortly. Mai d'entresenhas seràn lèu disponiblas. La votacion se fara del 12 al 27 d'agost de 2011 subre de servidors independents.

Sorry for delivering you a message in English. Please help translate the pages on the referendum on Meta and join the translators mailing list.

For the coordinating committee,
Philippe (WMF)
Cbrown1023
Risker
Mardetanha
PeterSymonds
Robert Harris