Tèsa

Tèsa^[1] (Thèze en francés) qu'ei ua comuna deu Bearn septentrionau, situada dens lo departament deus Pirenèus Atlantics e la region de Navèra Aquitània, ancianament d'Aquitània.

Tèsa
Thèze

La glèisa de Tèsa.

Armas

Geografia fisica

Coordenadas

43° 28′ 39″ N, 0° 20′ 52″ O

Superfícia

7,93 km²

Altituds
· Maximala
· Mejana
· Minimala

259 m
259 m
133 m

Geografia politica

França

Tèrras deus Luis e Tuquets deu Vic Vilh, Canton de Tèsa (caplòc), abans 2015

Intercom
246401707

CC deus Luis en Bearn

Cònsol

David Duizidou
(2020-2026)

Geografia umana

Populacion
Populacion totala
(2019)

858 ab.

Evolucion de la populacion

874 ab.

Densitat

104,16 ab./km²

Autras informacions

Còde postal

64450

Còde INSEE

64536

Geografia

Comunas a l'entorn.

Toponimia

Las fòrmas ancianas que son Tese, au sègle XII, Theesa, en 1270, Teesa, en 1286, Teeza, en 1307, Theese, en 1376, Tezee, Tesee, en 1385, Teze, au sègle XIV, Tessa, en 1504, Teza, en 1544, Theze, en 1675. La prononciacion qu'ei ['tɛzɔ] ^[1]. Segon Dauzat e Rostaing, lo nom que vieneré deu latin tensa, « tèrra dehenuda » ^[2]. Miquèu Grosclaude qu'accèpta l'explicacion a despièit de l'è obèrt, quan un e barrat ei normau per l'etime esperat. Per explicar l'anomalia, Miquèu Grosclaude que supausa ua prononciacion francizada, mès dab dobtes evidents dens lo son tèxte.

Miquèu Grosclaude s'ocupa pas de las fòrmas dab doble e aus sègles XIII e XIV, mès, vertat ei que la prumèra atestacion ei dab e simpla. En gascon, dens aqueth cas que i a suspeccion d'ua n amudida. Que i a toponimes e antroponimes Tenesa, especiaument en Lemosin ^[3]. Qu'ei ua formacion qui sembla medievau, de téner (< latin tenere) e deu sufixe -esa (< latin -itia), pr'aquò meileu -essa en gascon. Lo sens qu'ei probablament aparentat au de teneson, « tenença, possession » segon lo Petit Levy. Que's pòt bastir ua evolucion *Tenesa > *Teesa (amudiment de -n- intervocalica) > *Teèsa (dissimilacion normau) > Tèsa, solucion qui evita ua influéncia deu francimand, meileu improbabla.