Sent Orenç de Gamevila

Sent Orenç^[1]^,^[2]^,^[3]^,^[4] o Sent Orenç de Gamevila (Saint-Orens-de-Gameville en francés) es una comuna occitana del Tolosan, en Lengadòc, administrada pel departament francés de la Nauta Garona e la region d'Occitània, ancianament de Miègjorn-Pirenèus .

Sent Orenç de Gamevila
Saint-Orens-de-Gameville

ostal de vila

Armas

Geografia fisica

Coordenadas

43° 33′ 06″ N, 1° 32′ 02″ E

Superfícia

13,06 km²

Altituds
· Maximala
· Mejana
· Minimala

219 m
199 m
144 m

Geografia politica

País

Lengadòc

Estat

França

Region
76

Occitània, ancianament de Miègjorn-Pirenèus

Tolosa

Serge Jop
(2022-2026)

Geografia umana

Populacion
Populacion totala
(2018)

12 522 ab.

Evolucion de la populacion

12 740 ab.

Densitat

860,87 ab./km²

Autras informacions

Còde postal

31650

Còde INSEE

31506

Geografia

Comuna de l'airal urban de Tolosa situada dins son pòl urban a l'Èst de la vila de Tolosa a gaireben 10 km. Es bordada per lo riu Saune e traversada per lo riu Marcaissona.

Accès

Pel periferic Èst de Tolosa sortida 18.

Istòria

Pendent l'Ancian Regime, Gamevila èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa, de la senescauciá de Tolosa. Le vocable de la glèisa es Sent Orenç. En 1790, la comuna compren las tres comunautats que compausan la parròquia de Sent Orenç : Gamevila, Cayras e Lantourville. Tanlèu 1790, Gamevila èra del canton de Castanet. Per decret del 22 de març 1929, Saint-Orens venguèc oficialament Saint-Orens-de-Gameville ^[5].

Pendent l'Ancian Regime, Cayras (en francés, benlèu Cairàs en occitan) èra una comunautat non parròquia de la diocèsi civila de Tolosa, doncas de la província de Lengadòc, de la generalitat de Tolosa e de la senescauciá de Tolosa. Foguèc incorporada a Sent Orenç en 1790 ^[6].

Lantourville (en francés, benlèu Lantorvila en occitan) èra tanben una comunautat non parròquia ambe las meteissas apertenéncias e tanben incorporada a Sent Orenç en 1790 ^[7].

L'origina de Sant Orenç de Gamevila ven del nom d’un evesque espanhòl del sègle V, Orentius qu'auriá liberat Tolosa del poder dels romans en 438. Sas preguièras repetidas aurián provocat un nivolàs a l'entorn del general roman Litorius que se perdèt a la dintrada de la vila de Tolosa ont foguèt fach presonièr. Aprèp sa mòrt en 439, Orentius foguèt canonizat Sant Orenç. En son omenatge, bastiguèron la glèisa de son nom sul site de la batalha.

La creacion de la comuna ven de la fusion, lo 31 de decembre de 1790, de tres comunautats : Cairas, Gamevila e Lantorvila que faguèron part de la diocèsi de Tolosa. Lo primièr maire de la vila foguèt Joan Bellières que ne balhèt lo seu nom a la plaça ont i a l’espaci cultural Altigone.

En 1791, lo conselh municipal votèt una soma destinada a pagar un cirurgian pels paures e en 1818 la creacion d'un burèu particular de caritat.