Sent Nazari de Valentana

Sent Nazari de Valentana; Saint-Nazaire-de-Valentane
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	La glèisa de Sent Nazari de Valentana
	Geografia fisica
Coordenadas	44° 13′ 29″ N, 1° 00′ 48″ E
Superfícia	17,44 km²
Altituds; · Maximala; · Mejana; · Minimala	; 207 m; 200 m; 74 m
	Geografia politica;
País	Carcin ;
Estat	França;
Region; 76	Occitània ;
Departament; 82	Tarn e Garona ;
Arrondiment; 821	Los Sarrasins;
Canton; 8203	Valence d'Agen (Lo Borg Devisac abans 2015);
Intercom; 248200131	CC del País de Sèrras en Carcin;
Cònsol	Jean-Pierre Barra ; (2020-2026)
	Geografia umana
Populacion; Populacion totala; (2018)	337 ab. Evolucion de la populacion; 340 ab.
Densitat	19,72 ab./km²
	Autras informacions
Còde postal	82190
Còde INSEE	82168

Vilatge d'Occitània

Sent Nazari de Valentana^[1]^,^[2]^,^[3]^,^[4] (Saint-Nazaire-de-Valentane en francés) es una comuna carcinòla situada dins lo departament de Tarn e Garona e la region d'Occitània, ancianament de Miègjorn-Pirenèus.

Geografia

Comunas a l'entorn.

Toponimia

Sent Nazari de Valentana

Las fòrmas ancianas son : Sancto Nazario, en 1271 e 1323, Sancti Nazary prope Brassacum en 1294, Sancto Nazary en 1329, Sancti Nazari en 1326 e cap a 1400, Sainct Nazary en 1393, Sancti Nazari de Valentana en 1448, gleya de Valentana en 1462, ecclesia sancti Nasarii en 1465, Saint Nazare en 1466, Saint Nazaire de Vallentane, en 1466, Saint Nazaire de Valantane en 1526, Sanctus Nazarius de Valentana en 1580, Sancti Nazarii de Valantana en 1640, St Nazari al sègle XVII. La prononciacion es [senna'zari], la del determinant, utilizat rarament, es [balen'tanɔ] ^[5].

Nazarius es lo nom de dos sents, un que foguèt batejat per Sent Pèire e escapitat del temps de Neron e un, abat de Lerins, que viviá al sègle V. Non se sap quin Nazari es lo dedicatari de la parròquia. Lo nom Nazarius deriva del latin Nazareus que representa lo nazaretenc, Jèsus. 13 comunas en França pòrtan lo nom de Sent Nazari e son màgerment en país d'Òc ^[5].

Lo segond element apareis pas qu'al sègle XV. Deriva del latin valentem « que se pòrta plan, fòrt, robuste, vigorós, poderós ». Se pòt conjecturar una Valentana Villa (sufixe -ana, femenin de -anum), lo domeni de Valens o de *Valentus. La parròquia es tanben citada coma Saint-Nazaire de la Casse ^[5] (comprene probablament « caissa, reliquiari »).

Montgaudon

Veire a l'article.

La Brugueda

Lo vilatge, bastit sus una sèrra, es a l'extremitat sud-oèst de la comuna, près de la comuna de Castèlsagrat. La glèisa arroïnada e lo cementèri son a l'oèst. Las fòrmas ancianas son : parrochiam de la Brugueda en 1286, La Burgada en 1287, parrochia de Brugueda en 1323, parrochia de la Burgueda en 1329, La Burgueda en 1393, Sancti Andrei de Brugueda en 1465, Burguet en 1526, Sanctus Andreas aliter Bartholomeus de Burgata vel del Burgueda en 1580, Sancti Bartholomei de Burgueda en 1640, la Burguede (mapa de Cassini). La prononciacion es [labry'gedɔ]. Una brugueda es un lòc plen de brugas. Bruga deriva de bruca, adaptacion galloromana del gallic *uroica, meteis sens. Lo sufixe -eta ( > eda) s'aplica a de lòcs plantats d'un vegetal ^[5].

Sent Sarnin

Lo vilatge es sus la RD 953 entre Lausèrta e Valença d'Agen, dins la ribièra de Bargalona. La glèisa es sola.

Las fòrmas ancianas son : Sainct Saturnin de Pintiers en 1526, Sanctus Saturninus de Pintis en 1580, St Saturnin de Pintiers en 1640, St Sernin des Pintiers sus la mapa de Cassini. La prononciacion es [sensar'ni]. Lo nom deriva del latin Saturninum, nom de mai d'un sent, mès aquí lo dedicatari es l'avesque de Tolosa martirizat en 257^[5].

La pinta es un recipent per liquides e son nom vendriá del latin pincta « pintrada » al sens de provesida d'una marca. Un pintièr en occitan es un olièr d'estam. Lo sufixe deriva del latin -arium ^[5].

Istòria

L'avesque donèt la parròquia de Sent Nazari al capítol catedral de Caors al sègle XIII. Al sègle XVI èra un priorat ^[5].
En mai de Sent Nazari, i aviá autras tres parròquias (o, segon las epòcas, parròquias annèxas, es a dire sucursalas) dins la comuna abans 1790 : Montgaudon, La Brugueda e Sant Sarnin (de o dels Pintièrs) ^[5].
Abans 1806 (o en 1806 ^[5]), la comuna de Montgaudon foguèt incorporada a Sent Nazari de Valentana ^[6].