Montgaudon
Montgaudon (Mongaudon en francés) es una anciana comuna carcinòla situada dins lo departament de Tarn e Garona e la region d'Occitània, ancianament de Miègjorn-Pirenèus. Dempuèi 1806, es incorporada dins la comuna de Sent Nazari de Valentana.
|
Montgaudon
Mongaudon | |
|---|---|
 | |
| Geografia fisica | |
| Altituds · Mejana |
160−170 m |
| Geografia politica | |
| Region ist | Carcin  |
| Parçan | Carcin Blanc |
| Estat |  França |
| Region | Occitània  |
| Departament | Tarn e Garona  |
| Arrondiment | Los Sarrasins |
| Canton | Valença d'Agen (Lo Borg Devisac abans 2015) |
| Intercom | CC del País de Sèrras en Carcin |
| Comuna | Sent Nazari de Valentana |
| Autras informacions | |
| Còde postal | 82190 |
| Còde INSEE de seccion | 82168 (lo de la comuna) |
| Divèrs | anciana comuna |
Geografia modificar
Lo vilatge es bastit sus un morre que tresplomba la val de Bargalona e doás combas afluentas, la del Tancle (nom sus la mapa), aprofitat per un barratge que permet una resèrva d'aiga e la del Ruisseau de Cédar (en francés). Lo cementèri es sol, un pauc a l'Èst e conten las roïnas de l'anciana glèisa. La glèisa actuala, dins lo vilatge, Sent Pèire, es en realitat dedicada a Sent Ròc [1].
Toponimia modificar
Las fòrmas ancianas son : ecclesia de Montaudo, en 1239, Montegaudone en 1323, parroquia de Mongaudo en 1329, Montegaudone cap a 1400, Sanct Peyre de Mongaudo, en 1462, Montgaidi, en 1526, Sanctus Petrus de Montis Gaudoni, en 1580, Sancti Petri de Monte Gaudon, en 1640, Mongoudon en 1806 [1].
Lo nom es format de mont, del latin montem e del nom germanic d'òme Waldo, au cas regime, Waldon. La vocalizacion de -l es regulara, tot coma lo passatge de w- a g-[1] (cf. Willelmus > Guilhèm).
Istòria modificar
La parròquia de Sent Sarnin foguèt estacada a la de Sent Nazari de Valentana, puèi a la de Montgaudon [1].
Montgaudon foguèt incorporat a la comuna de Sent Nazari de Valentana en 1806 [1],[2].
Demografia modificar
La populacion de 1793 es de 279 abitants. En 1800, i a pas de donadas e coma la populacion de Montgaudon es pas incorporada a la de Sent Nazari (1793 : 470, 1800 : 487, 1806 : 900), i a donc una lacuna. [2].