Sant Joan de Cap Ferrat

Vilatge d'Occitània

Sant Joan de Cap Ferrat o Sant Joan dau Cau (Saint-Jean-Cap-Ferrat en francés) es una comuna d'Occitània en Contea de Niça, situada dins lo departament francés de li Alpa Maritimi e la region administrativa de Provença-Alpa-Còsta d'Azur.

Sant Joan de Cap Ferrat Saint-Jean-Cap-Ferrat
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Çò Cap de Ferrat.
Armas
Geografia fisica
Coordenadas	43° 41′ 00″ N, 7° 20′ 00″ E
Superfícia	2,48 km²
Altituds  · Maximala  · Mejana  · Minimala	138 m 20 m 0 m
Geografia politica
País	Comtat de Niça
Estat	França
Region 93	Provença Aups e Còsta d'Azur
Departament 6	Aups Maritims
Arrondiment 062	Niça
Canton 0630	Canton de Vilafranca de Mar
Intercom 240600577	Comunitat d'Aglomeracion de Niça-Còsta d'Azur
Cònsol	René Vestri (2001-2008)
Geografia umana
Populacion Populacion totala (2019)	1 492 ab. Evolucion de la populacion 1 541 ab.
Autras informacions
Gentilici	sant-janenc -a
Còde postal	06230
Còde INSEE	06121

Geografia

Lo Cap de Ferrat e la vila de Sant Joan de Cap Ferrat

Sant Joan de Cap Ferrat es situat sobre la Còsta d'Azur, tra Niça e Mónegue, a la broa de la mar Mediterranèa. Lo territòri de la municipalitat se situa tra Vilafranca de Mar e Bèuluec ; compren la totalitat de la presqu'ísola dau cap de Ferrat e tanben, sobre la còsta èst d'aqueu darrièr, la poncha de Sant Ospici siá a pauc près de 250 ectaras. Es ocupat per 500 villas, la majoritat fòrça luxuoi, estofadi sota li flors, li palmeras, lu pins d'Alèp, lu oliviers. Tra li villas chelèbri, si compta la villa Ephrussi-Rothschild donada a l'Estat en l'an 1934. Lo luec es classat e lu bastiments nòus son fòrça susvelhats. Aquò empacha pas, despí lo començament deis ans 2000, lu rics proprietaris d'efectuar de multiples trabalhs amb o sens autorizacion e de còps au mespretz de la lei dau litoral. Li associacions localis de defensa de l'environament multiplicon lu recors dau temps que lo cònsol sosten lu bastiments que respècton li nòrmas d'urbanisme per rasons economiqui.

Istòria

Ancianament Anao, lo site de Sant Joan de Cap Ferrat foguèt inicialament ocupat dai ligurs, pis dai lombards vèrs 575. Au començament de l'Edat Mejana, lo reclus sant Ospici l'i ocupa una torre sus la part èst de la presqu’ísola. Au sècolo VIII, lu sarrasins conquistèron lo luec; nen seron pas delotjat qu'au sècolo XI.

En lo 1388, au moment de la dedicion dau comtat de Niça, lo masatge de Sant Joan, que faía partida de la comuna de Vilafranca, tornèt au ducat de Savòia. Lo site foguèt fortificat sota protectorat savoiard ; en lo 1561, sota lo règne de Emanuèl Filibèrt de Savòia, lo fòrt Sant Ospici foguèt bastit. Serà pis destruit en lo 1706 dau duc de Berwick, a l'escasença de la presa de Niça per França.

Sant Joan passèt mai d'un còp sota ocupacion francesa entre 1720 e 1820 ; foguèt definitivament restacat a França en lo 1860 amb l'ensems dau Comtat de Niça.

En lo 1904, lo masatge de Sant Joan se separa de Vilafranca de Mar e ven una comuna a part entièra. D'en premier nomenada Sant Joan de Mar, la comuna prendrà lo nom de Sant Joan de Cap Ferrat en 1907.

Ancuèi, Sant Joan de Cap Ferrat es lo un dei principals luecs residencials de la Còsta d'Azur, amb de nombroi e luxuoi proprietats.

Administracion

Lista dei cònsols successius

Periòde		Identitat	Etiqueta	Qualitat
2008	2014	René Vestri
març de 2001	2008
Totas las donadas non son pas encara conegudas.

Demografia

Evolucion demografica Populacion comunala actuala (2013): , totala:
1901	1906	1911	1921	1926	1931	1936	1946	1954
-	1 331	1 518	1 209	1 631	1 779	1 949	1 573	2 185
1962	1968	1975	1982	1990	1999	2006	2007	2008
2 416	2 356	2 268	2 215	2 248	1 895	2 172	2 135	2 085
2009	2010
2 035 2 047	2 030 2 043
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008