Auriac de Dròt

Auriac de Dròt (Auriac-sur-Dropt en francés) es una comuna agenesa, situada dins lo departament d'Òut e Garona e la region de Novèla Aquitània, ancianament d'Aquitània.

Auriac de Dròt
Auriac-sur-Dropt

La glèisa de Sent Martin.

Geografia fisica

Coordenadas

44° 38′ 59″ N, 0° 14′ 48″ E

Superfícia

5,28 km²

Altituds
· Maximala
· Mejana
· Minimala

110 m
52 m
29 m

Geografia politica

Guiana Agenés

França

arrondiment de Marmanda

Canton
4711

Lei Tuquets de Guiana (Duràs avant 2015)

Intercom
244700449

CC deu País de Duràs

Cònsol

Alexandre Da Dalt
(2020-2026)

Geografia umana

Populacion
Populacion totala
(2018)

175 ab.

Evolucion de la populacion

181 ab.

Densitat

35,61 ab./km²

Autras informacions

Còde postal

47120

Còde INSEE

47018

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Lo borg es sus lo sol site d'alluvions ancianas de tota l'anciana senhoriá de Duràs, una terrassa de 52 m. Son de tèrras fertilas e plan eissugadas, çò qu'explica que l'ocupacion deu sol fuguèt anciana ^[1].

Comunas a l'entorn.

Perimètre deu territòri

Comunas confrontantas de **Auriac**
Duràs		Pardalhan

Sent Pèir de Dròt		Monteton

Toponimia

Las fòrmas ancianas son capella de Auriaco, en latin, en 1326, Sancti Martini de Auriaco, en latin, en 1326, de Auriaco, en 1520 ^[2]. Auriac vendriá d'un nom latin d'òme Aurius (Dauzat) ^[3] o Aureus, cognomen (Negre, Bénédicte Boyrie-Fénié), emb lo sufixe -acum ^[2], latinizacion deu sufixe gallés -ācon. Auriac èra donc probablament una anciana granda propietat antica qu'aviá per mèstre Aurius o Aureus. Bénédicte Boyrie-Fénié precisa que la prononciacion es [u'rja], [u'rja] de 'dro], dins un parlar que respècta normalament au- pretonic : aurelha [aw'rejə], aurai [aw'rɛj] [en realitat [ɔw'rejə], [ɔw'rɛj] ] e escriu per consequent Oriac de Dròt. Aquela degradacion es probablament d'origina gavacha o estrictament francesa (cf. lo vilatge de Pompérat, delà Dròt < Pontpeirat).

Lo determinant -sur-Dropt, « de Dròt » es oficial dempuèi 1927 ^[4]; en occitan es utilizat en cas d'omonimia.

Istòria

Auriac es après Anzàs, luec dispareissut près de Senta Colomba, un deus sites pus ancianament ocupats de la region de Duràs. La villa data deu sègle IV o avant e èra situada quauques desenas de mètres au sud deu borg. Èra una de las pus luxuosas (tròces de capitèus corintins en marme blanc, colomnas de marme gris, mosaïcas) puèi Auriac fuguèt una de las pus ancianas parròquias deu Duraqués, mès lo nom de Sent Martin permet pas de precisar exactament son ancianetat. Auriac fuguèt probablament una granda parròquia, mair d'autras futuras parròquias naissudas deus desboigatges ^[5].

Administracion

Lista deus cònsols successius
Periòde		Identitat
mai de 2020	2026	Alexandre Da Dalt ^[6]
març de 2014	2020	Daniel Terrier
març de 2001	2014	Michel Carmelli
1989		Jean-Philippe Chiron
1976		Pierre Costes
1945		Etienne Lafue
1944		Alfred Serres
1935		Charles Meynieu
1925		Léon Gallix
1904		Jean Rivière
1900		Jean Léon Mercat
1900		Hilaire
1893		Jean Léon Mercat
1888		Marcelin Bonnefon
1884		Jean Rivière
1879		Pierre Bousquet
1873		Oscar Sassias
1871		François Guillot
1858		Pierre Laurent Bonniol
1852		Pierre Estève
1848		Michel Ouvrard
1844		Jean Constantin
1840		Jean Terrier
1826		Jean Mercat
1823		Jean Terrier
1821		Mathieu Jousseaume
1815		Thomas Célestin Gauviac
1808		Jean Mercat
1803		Mathieu Jousseaume
1801		Antoine Gros
1795		Mathieu Jousseaume
1794		Jean Gaidon
1793		François Boullet ^[7]

Totas las donadas son pas encara conegudas.

Avant la refòrma cantonala de 2014, aplicada en 2015, la comuna èra deu canton de Duràs; es adara deu canton dei Tuquets de Guiana, emb Duràs per burèu centralizator. De 1793 a 1801 fuguèt deu canton de La Sauvetat.