Lo Telhan de Medòc

Lo Telhan^[1] (de Medòc ?), Le Taillan-Médoc en francés, es una comuna bordalesa de Guiana administrada pr'au departament de Gironda e la region de la Noèra Aquitània, ancianament d'Aquitània.

Lo Telhan de Medòc
Le Taillan-Médoc

Lo castèth de la Dòna Blanca.

Armas

Geografia fisica

Coordenadas

44° 54′ 19″ N, 0° 40′ 07″ O

Superfícia

15,16 km²

Altituds
· Maximala
· Mejana
· Minimala

39 m
20 m
4 m

Geografia politica

Guiana

Medòc

França

Gironda

Bordèu

Agnès Laurence-Versepuy
(2020-2026)

Geografia umana

Populacion
Populacion totala
(2019)

10 141 ab.

Evolucion de la populacion

10 286 ab.

Densitat

630,41 ab./km²

Autras informacions

Gentilici

Telhanés, Telhanesas
Taillanais en francés

Còde postal

33320

Còde INSEE

33519

Geografia

Comunas a l'entorn.

Toponimia

Las fòrmas ancianas son de Ortellano, en latin, en 1027, Sancti-Hilarii de Autellano, en latin, en 1027, ecclesiam Sancti-Hilarii de Ortolano, en latin, en 1174, villa Sancti Hilarii de Ortoislano, en latin, en 1242-1255, Au Teillan, en 1250, dau Talhan, en 1259, de Sancto Illaris, en latin, en 1274, de Anthalhano (sic), en latin, en 1289, preceptor hospitalis de Autelhano, en 1360. Lo nom seré, segon Bénédicte Boyrie-Fénié, *Lo Talhan o *Autalhan. La prononciacion donada per B. Boyrie-Fénié, [lutajã] ^[2], es supausada coma de costuma dens la màger part de son libe.

Per Dauzat e Rostaing, Lo Telhan ven dau nom latin d'òme *Autellius (inatestat donc damb asterisc), inferit de Autius, e dau sufixe -anum. La prumèira sillaba Au- fut compresa coma un article contractat ^[3].

Pr'amor de la prumèira atestacion, Bénédicte Boyrie-Fénié causís puslèu lo nomen Ortelius, rare mes qu'a l'avantage d'estat atestat, damb lo sufixe -anum (una propietat d'Ortelius, villa romana, estona pas dens una comuna traversada per un ancian camin, la Levada). B. Boyrie-Fénié reconstituís l'evolucion. De la basa *Ortelianu(m), lo nom passèt probablament a *Oltelhyan(o) (mudason de la liquida r per dissimilacion [cau comprene assimilacion] e palatalizacion de l + iòd), pui a *Outelhan (l anteconsonantic se vocaliza regularament, d'aquí la formacion d'un diftongue [ɔw]) e *Autelhan (mudason de la vocala per assimilacion). Après, lo nom coneishut una maishanta copadura e fut comprés coma Au Talhan (deglutinacion dau diftongue iniciau e atraccion dau vèrbe talhar ^[2].

I a duas causas a corregir dens aquera evolucion fonetica. Prumèirament e aquò es pas çò pus important, la deglutinacion (passatge a (Au) Telhan) èra dejà presenta dens l'estapa *Outelhan > *Autelhan e l'explica, sense necessitat d'una mudason prealabla deu diftongue iniciau. Segondament, maugrat quauques fòrmas ancianas (1259, 1289), lo nom es pas passat definitivament a Au Talhan / Lo Talhan, en tot cas i es pas demorat. Gric de Prat, neishut e mòrt dens la comuna, cita lo nom damb la vocala e de la prumèira sillaba ^[1] e la comuna installèt un panèu bilingüe a l'auton de 2016 damb Lo Telhan de Medòc. B. Boyrie-Fénié, pr'amor de la fòrma francimanda, cresut que la fòrma gascona, que coneishèva pas, èra *Lo Talhan.

L'ajustadís oficiau de-Médoc data de 1925 ^[4].

Istòria

Administracion

Lista daus cònsols successius
Periòde		Identitat	Etiqueta	Qualitat
2014	2026 ^[5]	Agnès Laurence-Versepuy	UDI	Cap d'entrepresa, conselhèira departamentala despui 2015
març 2001	2014	Ludovic Freygefond	PS	prumèir secretari federau dau PS en Gironda
	2001
Totas las donadas non son pas encara conegudas.