La Bastida Roairós

Pels articles omonims, vejatz La Bastida (omonimia).

La Bastida Roairós^[1]^,^[2]^,^[3]^,^[4] (Labastide-Rouairoux en francés) es una comuna lengadociana situada dins lo departament de Tarn e la region d'Occitània, ancianament de Miègjorn-Pirenèus.

La Bastida Roairós
Labastide-Rouairoux

Campanar de Sant Sarnin.

Armas

Geografia fisica

Coordenadas

43° 28′ 34″ N, 2° 38′ 23″ E

Superfícia

2 3,67 km²

Altituds
· Maximala
· Mejana
· Minimala

940 m
420 m
364 m

Geografia politica

Lengadòc

França

Castras

Comunautat de comunas de la Nauta Val de Toré

Cònsol

Francoise Fabre
(2008-2014)

Geografia umana

Populacion
Populacion totala
(2018)

1 414 ab.

Evolucion de la populacion

1 439 ab.

Autras informacions

Còde postal

81270

Còde INSEE

81115

Geografia

La comuna es situada sus las doas ribas del Toret e es al còr del Pargue Natural Regional del Naut Lengadòc . Es tanben situat entre los Monts de La Cauna al Nòrd e la Montanha Negre al sud

Meteorologia

En rason de son posicionament, la meteorologia de la comuna es fòrça importanta dins la vida de tot los jorns perque recèp lo vent de l'ocean atlantic, de la mar mediterranèa e mai que mai de las montanhas ( Monts de La Cauna e Montanha Negra ) . A causa de tot aquò, lo vilatge a la reputacion de recebre fòrça pluèja tot lo long de l'an .

La Bastida Roairós recèp en mejana 1.323 mm d'aiga per an ( 1.800mm per La Cauna e 800mm per Castras )

Infrastructura rotièra

La comuna es desservida per la linha de bus 762 entre Castras e Sant Ponç e la rota D612 la traversa sus tota sa longor .

Istòria

Creacion de La Bastida Roairós

Entre las annadas 1166 e 1167, Ramon V, comte de Tolosa d'aquela epòca decidiguèt de bastir una Bastida per s'opausar a las envejas de conquistas dels Trencavèls sul territòri de Toret . Lo posicionament de la Bastida èra ideal perqué, al nòrd èra protegit per los Monts de La Cauna, al Sud per la Montanha Negra e a l'oèst pel riu de Toret .

Lèu aprèp la creacion de la Bastida, los abitants dels vilatges de la zona que son uèi lo jorn desaparegut, se son regropat per la proteccion que podiá lor donar mas an contunhat de cultivar las tèrras que ja possedissián .

En 1202, l'endrech èra conegut coma " Bastida la Rovoirosa " simplament perque èra construit sus una dependéncia del vilatge de Roairós ( 8 quilòmetres de distància entre los dos endreches )

Las tensions entre los catolics e los protestant dins lo diocèsi de Sant Ponç

La difusion de la religion crestiana protestanta dins lo reialme de França per Martin Luther en 1523 ( es tanben lo creador d'aquela varianta del cristianisme ) e los ensenhament de Joan Calvin en 1535 se son aisidament inserit dins lo país Castrés e la val de Toret mercès a l'eresia latanta que i aviá dins aquel territòri . En 1551, la majoritat dels abitants del País Castrès èra ja convertit a la novèla reforma .

Per paur de las menaças d'interdiccion sul Calvinisme, los protestants de la val de Toret an atacat la vila de Sant Ponç lo 1èr d'octobre de 1567 en destruïssent lo monasteri de las religiosas, la glèisa parroquiala e en pilhant la catedrala fins a julhet de 1568 . Se passarà malaürosament una causa parièra per la glèisa de La Bastida Roairós .

L'impacte de las tensions sus lo vilatge

Aprèp totes lo eveniment de las guerras de religions, las doas comunautats se son separadas per paur d'un nou conflicte . Per aquela raiçon, los protestants se son instalat sus la riba esquèrra del Toret e los crestians sus la riba de drecha . Es pr'aquòs que uèi, los ostals son ligierament desparièrs entre las doas parts del Toret .

Aprèp la destruccion de la glèisa de La Bastida Roairòs en 1567, los crestians son demorat dins lo vilatge sens glèisa per mai o mens 90 ans . En 1658, la glèisa foguèt rebastida amb las pèiras de la bastida del vilatge . Per fin en 1686, dos campanas son estat refondudas ( una per la glèisa novèla e l'autra a l'ostal de las comunas .

La Revolucion Francesa

L'istòria del vilatge durant aquel periòde es pauc coneguda uèi perque coma per qualques comunas, cap document escrich demòra entre 1789 e 1808 . Çaquela, es fòrça probable que i aviá pas tròp de violéncia . Dins aquel territòri, en defòra dels membres de la glèisa de Sant Ponç, i aviá solament una noblesa de mendre importancia .

Cambiament de departament

Tre la fin de la revolucion, La Bastida Roairós s'es fach restacar al departament de l'Erau simplament perque era ligat istóricament a la comuna de Sant Ponç mas lo 16 febrièr de 1797 es passat al departament del Tarn e restacat dins lo district de La Cauna .

Las armas de la comuna

Lo blason de la comuna es recent ( creat en 1942 ) e representa 2 causas : l'escritura S.S.B son las inicialas de Sant Saturnin de Bison un martir mòrt a Tolosa e lo castèl es una representacion de l'anciana bastida del vilatge