Corbièras (region)
Pels articles omonims, vejatz Corbièras.
Las Corbièiras (en catalan les Corberes, en francés les Corbières) son una region naturala situada al limit de Lengadòc (Occitània) e de Rosselhon (Païses Catalans). La partida nòrd forma un parçan occitan[1] e la partida sud una soscomarca de Rosselhon.
La vila principala de la part occitana es Lesinhan de las Corbièras.
GeografiaModificar
La region de las Corbièras comença a l'estanh de Leucata per s'acabar a costat de Carcassona. Al nòrd, las Corbièras son separadas de Menerbés per lo flume d'Aude. Lo punt mai naut de las Corbièras es lo puèg de Bugarag (1230 m). Las Corbièras son constituidas en majoritat de sèrres calcaris de 400 m a 500 m d'altitud amb una vegetacion rara. Aquela region es coneguda per son vin (vin de las Corbièras).
ToponimiaModificar
Lo toponim Corbièras ven [ref. necessària] de la racina prelatina kor/kar, tipica dels noms de montanha (una legenda populara [ref. necessària] mas inexacta ditz que vendriá del nom d'aucèl, lo còrb). A l'Atge Mejan, la region s'apelava en latin Vallis Corbaria. [2]
Vilas e vilatges principalsModificar
- Lengadòc : Lesinhan de las Corbièras, Portèl de las Corbièras, La Grassa, Durban de las Corbièras, Tuissan.
- Rosselhon : Òpol i Perellós, Vingrau, Estagell, Talteüll (Tautavel).
Luòcs toristicsModificar
- Talteüll: Cauna de l'Aragó, sit preïstòric de l'Òme de Talteüll (-450 000)
- Castèl de Pèirapertusa
- Castèl de Querbús
Ligams extèrnesModificar
ReferénciasModificar
- ↑ Segon la classificacion dels parçans de Frederic Zégierman
- ↑ Bénédicte et Jean-Jacques Fénié, Toponymie occitane, Sud-Ouest Université, 1997, 126 paginas, (ISBN 2879012155)
