Chastauguion

Chastauguion [tsato(dji)ˈjy]^[1], [tsataˈju] o [tsadjiju]^[2] (Châtel-Guyon en francés) z-es una comuna auvernhata dau departament dau Puèi de Doma e la region d'Auvèrnhe-Ròse-Aups, ancianament d'Auvèrnhe.

Chastauguion
Châtel-Guyon

Veguda generala de Chastauguion.

Armas

Geografia fisica

Coordenadas

45° 55′ 24″ N, 3° 03′ 54″ E

Superfícia

14,06 km²

Altituds
· Maximala
· Mejana
· Minimala

721 m
470 m
374 m

Geografia politica

Auvèrnhe

França

Riam

Riom-Est hors Riom (Partiel)

Intercom
246301162

Volvic Sources et Volcans

Cònsol

Frédéric Bonnichon
(2008-2014)

Geografia umana

Populacion
Populacion totala
(2018)

6 195 ab.

Evolucion de la populacion

6 376 ab.

Densitat

436,06 ab./km²

Autras informacions

los braiauds

chastauguionaire

63140

Toponimia

Le nom de Chastauguion ven de Castellum Guidonis, le « Chastèl de Guy ».

En 1198, le nom dau vialatge z-èra Castrum Guidonis, après Châteauguion au sègle XV, Chastelguion au sègle XVI e Châtel-Guyon au sègle XIX.

Son nom ven dau comte Guy II d'Auvèrnha (Guido d'Alvernha en occitan ancian) que lai faguèt bastir a la fin dau sègle XII un chastèl.

Le nom en occitan modèrne de la viala ven de la fòrma dau sègle XV en gardar château pusliau que chastèl mas en adaptar a la prononciacion occitana e embei la tombada de la promèira sillaba de Guion.

En occitan ancian la viala z-èra nomada Chastelguion^[3] e Chastel Guion^[4].

Geografia

Localizacion

Chastel Guion se tròba a 20 km au nòrd de Clarmont-Farrand, a 7 km au nòrd-oèst de Riam, e a 32 km dau Puèi de Doma, en riba dau riu de Sardon.

La comuna se compausa daus vialatges de Chastauguion, Le Bornet, Sent Marchèir, Ròchapradèira e los Groslièrs. Le masatge de Bornet, autrecòps dins la comuna de Lobairat, z-es le mai enauçat, a una altituda de 670 mètres.

Comunas pròchas

	Pronsat	La Tóreta
Lobairat	N	Sent Bonet de vès Riam Riam
	O Chastauguion E
	S
Charbonèiras de Varenas	Enval	Riam

Istòria

Chastèl e vialatge de Chastau Ion vèrs 1450 (dessenh inspirat de l'Armoriau d'Auvèrnha de Guillaume Revel)

Guion II d'Auvèrnha, comte d'Auvèrnha de 1194 a 1222, faguèt bastir un bastion en 1185 sobre le puèi dau calvari, per aparar Riam. Le chastèl, anuèit desaparegut, se compausava d'un encenta carrada, embei tres tors circularas, coma o mòstra le dessenh de Guillaume Revel dins l'Armorial d'Auvèrnha vèrs 1450.

Embei son fraire Robèrt, avesque de Clarmont, Guion II aguèt biaucòp de brejas. Le rei de França Felip August li confisquèt son domeni, que fuguèt transmés, a l'ocasion dau reglament de la succession de Geraud de Maulmont aus eiretèirs de la familha de Maulmont.