Canet (Gers)

Pels articles omonims, vejatz Canet e Lo Canet.

Canet^[1]^[2]^,^[3]^,^[4]^,^[5] (Cannet en francés) qu'ei ua anciana comuna gascoa d'Occitània, situada dens lo departament de Gers e la region d'Occitània, ancianament de Mieidia-Pirenèus. Despuish 2019, Canet qu'es comuna delegada, dab Riscla, d'ua comuna navèra qui guarda lo nom de Riscla.

Canet
Cannet

La glèisa

Geografia fisica

Coordenadas

43° 36′ 47″ N, 0° 03′ 08″ O

Superfícia

4,81 km²

Altituds
· Maximala
· Mejana
· Minimala

231 m
180 m
114 m

Geografia politica

Gasconha

França

Miranda

Ador gersesa (Plasença abans 2015)

Intercom
ZZZZZZZZZ

CC d'Armanhac-Ador

Cònsol

René Castets
(2014-2018)

Geografia umana

Densitat

11,02 ab./km²

Autras informacions

Còde postal

32400

Còde INSEE

32074

Divèrs

Comuna delegada de Riscla

Geografia

Comuna situada dens lo vinhau de Madiran.

Comunas a l'entorn.

Perimètre deu territòri

Comunas confrontantas de **Canet**
	Riscla	Caüsac d'Ador
Maumusson e Laguian		Gots
	Senlana (Hauts Pirenèus)

Toponimia

Generalament, los noms de tipe Canet que venguen de l'occitan cana, deu latin canna, dab lo sufixe collectiu -etum e corresponen a lòcs plens de canavèras. Mès Canet qu'ei sus un costalat, aquí perqué Dauzat prepausa ua basa oronimica pre-indoeuropèa, *kan-, dab lo sufixe latin -ĭttum o preceltic -etum (diferent de -etum, lo sufixe collectiu latin) ^[6]. Cf. Canas, lo Canigó. Aquò qu'es de segur especulatiu.
Negre que's pronóncia sonque suu Canet dei Mauras; lo nom que vengueré deu bas latin canua « tista, tistèra, banasta », dab lo sufixe diminutiu -ittum^[7], probablament au sens topografic.

Istòria

Lo 1èr de gèr 2019, Riscla e Canet que formèn ua comuna navèra qui guardè lo nom de Riscla e vengón senglas comunas delegadas ^[8]^,^[9]^,^[10].

Administracion

Lista deus cònsols successius
Periòde		Identitat	Etiqueta	Qualitat
març de 2008	31 de deceme de 2018	René Castets	divèrs dreta	agricultor
març de 2001	2008	Pierrette Charrier	divèrs dreta
	2001
Totas las donadas non son pas encara conegudas.

Avant la refòrma cantonala de 2014, aplicada en 2015, la comuna qu'èra deu canton de Plasença; qu'ei adara deu canton de Adour-Gersoise (en francés), donc d'Ador gersesa.