Tetraedrita
La tetraedrita es un minerau gris ò negre. D'una duretat de 3,5 a 4 e d'una densitat compresa entre 4,6 e 5,1, es constituïda de sulfoantimoniur de coire (Cu14(SbS3)4S) que pòu formar de cristaus tetraedrics ò de massas compactas ò granularas. Son esclat es metallic. Sa temperatura de fusion es bassa. En preséncia d'acid nitric, la tetraedrita se descompausa per de sofre e d'oxids d'arsenic e d'antimòni.
Geologicament, la tetraedrita se forma dins de venas idrotermalas de temperatura bassa ò mejana. I es generalament associada amb la galena, la bornita, la pirita, la calcopirita e lo qüars. Lei jaciments pus coneguts son situats en Namibia, en Bolívia, en Chile, en Peró, ais Estats Units, en Suècia e en Romania. En Occitània, la tetraedrita es presenta dins plusors minas dau Massís Centrau, de Lengadòc, deis Aups, dau Var e en Arièja[1]. Es utilizada coma minerau per la produccion de coire. Segon lei minas, es egalament possible de produrre d'argent, d'antimòni ò de mercuri.
Liames intèrnes
modificarBibliografia
modificar- (fr) Gérard Germain (dir.), Henri-Jean Schubnel, Jean-François Pollin, Jacques Skrok, Larousse des Minéraux, Éditions Larousse, 1981, pp. 320-321.