Republica dels Còmis
La Republica dels Còmis (en rus: Респу́блика Ко́ми, Respublika Komi; en còmi: Коми Республика) es una republica, subjècte de la Federacion de Russia. Los còmis, pòble autoctòn, constituisson aperaquí 25 % de la populacion. La republica confronta, a l'oèst, l'óblast d'Arkhangelsk, al nòrd, lo districte autonòm de Nenetsia, a l'èst, los districtes autonòm dels Iamalo-Nenètses e dels Khantys-Mansis e, al sud, los óblasts de Kirov e de Sverdlovsk e lo krai de Perm.
|
Republica dels Còmis
Респу́блика Ко́ми | |||
|---|---|---|---|
| |||
| |||
| Administracion | |||
| Estatut politic | Republica | ||
| Capitala | Syktyvkar | ||
| Govèrn - president |
Vladimir Tokmakov | ||
| Geografia | |||
| Superfícia | 416 774 km² | ||
| Demografia | |||
| Populacion (2016) | 856 831 ab. | ||
| Densitat | 2,1 ab./km² | ||
| Lengas | rus, còmi | ||
| Autres | |||
| Fus orari | UTC 4 | ||
Geografia
modificarLa republica des Còmis cobrís une superfícia de 416 774 km2. S'estend entre 59°12' e 68°25' de latitud nòrd e entre 45°25' e 66°10' de longitud èst. Son territòri es traversat per lo cercle polar Arctic. La distància maximum nòrd-sud es de 785 km e èst-oèst de 695 km. La selva ocupa 70 % del territòri de la republica e los paluns aperaquí 15 %. Qualques 32 800 km2 de son territòri son estats reconeguts coma Patrimòni mondial de l'UNESCO e fan l'objècte d'una proteccion renforçada. Son las selvas verjas de Komi situadas dins los Orals septentrionals. Constituisson l'estenduda forestièra mai vasta en Euòpa demorada a l'estat salvatge.
Clima
modificarLo clima sus la totalitat del territòri aparten al tipe Dfc de la classificacion de Köppen : temperat fred, sens sason sèca, estius corts e freges. Las temperaturas mejanas son compresas en genièr entre −20 °C dins lo nòrd et −15 °C dins lo sud e en julh entre 11 °C dins lo nòrd e 15 °C dins lo sud. Las precipitacions annadiièras son vesinas de 600 mm.