Republica de Sakha
La Republica de Sakha (iacot: Саха Өрөспүүбүлүкэтэ, Sakhà Öröspüübülükete; rus: Респу́блика Саха́ (Яку́тия), Respúblika Sakhà (Iacotia)) es una republica e un subjècte federal de la Federacion de Russia, tradicionalament nomenada Iacotia, nom tirat del rus Яку́тия. Aquesta republica autonòma asiatica, gaireben tant granda coma Índia, es situada al nòrd de Siberia, entre l'ocean glacial artic al nòrd, lo districte autonòm de Chokotka, l'Óblast de Magadan e lo territòri de Cabarovsk a l'èst, l'Óblast d'Amor al sud, l'Óblast d'Irkotsk e lo territòri de Zabaikal al sud-oèst e lo Territòri de Krasnoiarsk a l'oèst. Ten una extension de mai de tres milions de quilòmetres carrats e una populacion pròcha del milion d'abitants. La capitala es Iacotsk.
|
Republica de Sakha
Саха Өрөспүүбүлүкэтэ Респу́блика Саха́ | |||
|---|---|---|---|
| |||
| |||
| Administracion | |||
| Estatut politic | Republica | ||
| Capitala | Iacotsk | ||
| Govèrn - cap |
Aysen Nikolayev | ||
| Geografia | |||
| Superfícia | 3 083 523 km² | ||
| Demografia | |||
| Populacion (2016) | 959 689 ab. | ||
| Densitat | 0,31 ab./km² | ||
| Lengas | rus, iacot | ||
| Autres | |||
| Fus orari | UTC 10, 11, 12 | ||
Geografia
modificarBanhat per la mar de Siberia Orientala e la mar de Laptev, 40% del territòri es situat en dessús del cercle polar artic. Ocupa una region estenduda de tondra e taiga del plan de la Sibèria centrala, partida separada en doas mitats pel riu Lena; dins la part orientala raja lo riu Kolima. La mitat nòrd-orientala del territori ten un relèu fòrça accidentat (montanhas de Verkhoiansk e Cherski, amb lo pic de Pobeda, de 5.147 m, altitud maximala de la republica), e al sud las montanhas de Stanovoi la separan de la val d'Amor. Inclutz l'archipèla de la Nòva Siberia.