Olivia Ruiz, de son nom vertadièr Olivia Blanc, es una cantaira francesa nascuda en 1980 a Carcassona (Occitània).

Olivia Ruiz a Belfòrt (França) en 2007

Biografia modificar

Olivia a d'originas espanhòlas coma ne testimònia son nom de scèna Ruiz qu'es tot simplament lo nom d'ostal de sa menina. Canta mai que mai en francés, mas en espanhòl tanben. A agut représ ambe lo duo tolosan Mouss et Hakim e lo grop occitan Lo Barrut una cançon francesa de Pierre Perret qu'evòca son enfància occitana e que se ditz Je suis de Castelsarrasin, dins la quala i a doas frasòtas en occitan, Vau al mercat a Sarrasin e Mon Diu, pichon ! te vas negar, fas atencion !.

A passat son enfància ambe sos parents (entre 1981 e 1990) dins lo Lengadòc, entre Corbièras e Menerbés, a Marselheta (Occitània). A quinze ans, comença de s'interessar a la musica, a la dança e al teatre e se'n va viure en çò de sa tanta a Narbona. Aital, dentra dins la tropa associativa de l'espectacle estival de Carcassona, Las Medievalas, e acompanhat del musician Frank Marty[1], canta tanben un pauc sus de pichons emponts locals (estanquets-concèrts) represas de vielhas cançons francesas (de Fréhel, Yves Montand o Gilbert Bécaud), tanben cançons francesas de la novèla generacion (La Tordue) e estandards de la cançon espanhòla.

Ven coneguda en participant a la television en 2001 a la primièra sason del concors musical La Star Academy, ont serà eliminada en semifinala sonque (cap a Jenifer Bartoli)[2]. En seguida, se lança dins una carrièra de cantaira francesa professionala, ambe succès, e mantuns tubes (Paris, La femme chocolat, Elle panique...). Sa cançon la mai coneguda e qu'evòca son enfància se ditz J'traîne des pieds (2007).

Discografia modificar

  • 2003 : J'aime pas l'amour
  • 2005 : La Femme chocolat
  • 2008 : La chica chocolate (version en espanhòl de La Femme chocolat)
  • 2009 : Miss Météores
  • 2012 : Le Calme et la Tempête
  • 2016 : À nos corps-aimants
  • 2024 : La Réplique

Cançons mai conegudas modificar

Referéncias modificar

  1. https://www.babelio.com/auteur/Frank-Marty/353106
  2. https://www.gala.fr/l_actu/news_de_stars/une-drole-de-periode-pourquoi-olivia-ruiz-sest-sentie-perdue-apres-star-academy_494448