Star Academy
La Star Academy es una emission de telerealitat francesa creada en 2001 e producha per la societat neerlandesa Endemol.
Fòrça populara las primièras annadas en França e quitament en Occitània, lo nom de l'emission es estat lèu occitanizat dins lo lengatge corrent pel neologisme "Staracademia".
L'emission es difusada per TF1 e se fixa per tòca de revelar de talents de cantaires e musicians demest los participants. Après cada edicion, lo ganhant e d'autres partisson en virada de concèrts capvath França, Marròc, Soïssa, Belgica, Tunisia e d'autras païses francofòns.
Jenifer Bartoli, la primièra ganhanta de La Staracademia, veniá d'Occitània, mai precisament de Niça (Provença). La segonda ganhanta, Nolwenn Leroy, quitament d'origina bretona del costat de son paire, a viscut una partida de son enfança dins sa familha en Occitània (en Auvèrnhe), vist qu'es tanben d'origina auvernhata per sa maire.
La novena sason foguèt la sola difusada sus la cadena francesa NRJ 12 del 6 de decembre de 2012 al 28 de febrièr de 2013 e nommada Star Academy Revolution. Aquela sason es estada emportada per Laurène Bourvon.
Los ganhants
modificar- Sason 1 (2001-2002) : Jenifer Bartoli
- Sason 2 (2002) : Nolwenn Leroy
- Sason 3 (2003) : Élodie Frégé
- Sason 4 (2004) : Grégory Lemarchal
- Sason 5 (2005) : Magalie Vaé
- Sason 6 (2006) : Cyril Cinelu
- Sason 7 (2007-2008) : Quentin Mosimann
- Sason 8 (2008) : Mickels Réa
- Sason 9 (2012-2013) : Laurène Bourvon
- Sason 10 (2022) : Anisha Jo Anyjaine
- Sason 11 (2023-2024) : Pierre Garnier