Monurt

Monurt^[1], foneticament [mu'nyr] ^[2], (Monheurt en francés) es una comuna gascona d'Agenés situada dens lo departament d'Òut e Garona e la region de Navèra Aquitània, ancianament d'Aquitània.

Monurt
Monheurt

La glèisa.

Geografia fisica

Coordenadas

44° 20′ 28″ N, 0° 18′ 30″ E

Superfícia

11,44 km²

Altituds
· Maximala
· Mejana
· Minimala

32 m
30 m
22 m

Geografia politica

Gasconha Agenés

França

Nerac

Lavardac (Damasan avant 2015)

Intercom
244701462

Comunautat de comunas deu Jonhent e deus Tuquets de Preishàs

Cònsol

José Armand
(2020-2026)

Geografia umana

Populacion
Populacion totala
(2018)

191 ab.

Evolucion de la populacion

195 ab.

Densitat

18,36 ab./km²

Autras informacions

Còde postal

47160

Còde INSEE

47177

Geografia

Lo borg e tota la comuna son situats dens la ribèra bassa de Garòna, en perimètre inondable. D'aquò ne deriva una particularitat rara : l'abséncia de las cordeladas d'ostaus individuaus modèrnes en s'acostant deu borg. La consequéncia demografica es la baissa progressiva de la populacion de la comuna, que garda una escòla mairala e primària pr'aquò ^[3], gràcias a un RPI (regropament pedagogic intercomunau) Monurt-Rasimet-Sent Leugèr-Vilaton ^[4].

Comunas a l'entorn.

Perimètre deu territòri

Comunas confrontantas de **Monurt**
	Vilaton	Tonens delà Garòna
Pug d'Agenés		Nicòla delà Garòna
	Sent Leugèr	Agulhon delà Garòna

Toponimia

Las fòrmas ancianas son Momurt (1259, 1316, 1389), Monurto (castrum de ~) (1293), Momurco (prior de ~) (1326), Monurx (1363), Monhurt (1390, 1407, 1560, 1580, 1677), Monhur (1587), Monthurt (1682). Bénédicte Boyrie-Fénié se pensa que las fòrmas Momurt, dab m, son cacografias, atau com Monurx, e considèra que lo nom èra Monurt. L'origina poirè estar monte(m), «nautor», «mont», «pug » (ací dens lo sens d'una riba hauta, puèi que lo borg es dens la ribèra bassa de Garòna e sus la riba deu flume), e una basa *hurt, que se pòt trobar dens lo nom d'òme germanic *Hurt-wald e qu'explica Heurteauville dens lo departament francés de la Sèina Maritima (segon Bénédicte Boyrie-Fénié). La grafia es Monurt ^[2]. Monurx pòt representar *Monurts, plurau a sens collectiu de Monurt, com n'i a tant dens tot l'Oèst occitan. Comparar tanben dab las fòrmas ancianas de Sent Pèir de Dròt.

Istòria

Lo territòri de Monurt èra de la ciutat deus Nitiobròges e après de la diocèsi d'Agen, çò que justifica de lo plaçar dens l'Agenés. Dempui lo 13 d'agost 1317 e d'aquí a la Revolucion, èra de la diocèsi de Condòm creada per Joan XXII.
En 1621, en tornant deu sèti de Montauban deu temps de las rebellions uganaudas, las tropas reialas comandadas per François de Bassompierre, en anant cap a Bordèu, prenguèn Monurt, plaça fòrta protestanta, lo 11 de decembre, pui la cremèn e la pilhèn. Las muralhas estón desrocadas per òrde de Loís XIII.

Administracion

Lista deus cònsols successius
Periòde		Identitat	Etiqueta	Qualitat
2001	2026^[5]	José Armand	PS	ensenhaire
1995	2001	Norbert Manec

1900	1902	Jean Bertrand
1897	1900	Jean Faure
1890	1897	Pierre Rosiers
1881	1890	Jean Faure
1871	1881	Jean Lacombe
1870	1871	Jacques Bernèges
1869	1870	Jean Lacombe
1851	1869	Jean Cousseran

1808	1813	Etienne Dallet
1799	1808	Jean Anduran
1796	1798	Jean Dumotha
1795	1796	Jacques Sallagrand
1792	1794	Jean Corbun ^[6]
Totas las donadas non son pas encara conegudas.