Lo Marnhès

Lo Marnhès^[1]^,^[2]^,^[3]^,^[4] ( Le Margnès en francés) es una anciana comuna lengadociana, situada dins lo departament de Tarn e la region de Miègjorn-Pirenèus.

Lo Marnhès
Le Margnès

Comuna del Marnhès.

Geografia fisica

Coordenadas

43° 38′ 31″ N, 2° 36′ 07″ E

Superfícia

17,89 km²

Altituds
· Maximala
· Mejana
· Minimala

1 070 m
806 m
736 m

Geografia politica

Lengadòc

França

Castras

Braçac

Comunautat de comunas Val e Planòl Mont de La Cauna

Cònsol

David Escande
(2014-2016)

Geografia umana

Densitat

2,63 ab./km²

Autras informacions

Còde postal

81260

Còde INSEE

81153

Ven una comuna delegada de la comuna novèla de Fontriu lo 1èr de genièr 2016. Lo 26 de junh de 2020, la comuna delegada es suprimida.

Geografia modificar

Carte

Toponimia modificar

Les Noms de Lieux du Tarn, d'Ernèst Negre, tracta pas del Marnhès ^[5].

En general, los noms amb article son del segond millenari. Aicí, i a pas de certitud : la necessitat de destriar lo Marnhès d'Angles e lo Marnhès de Braçac es dejà una rason de metre l'article.

Istòria modificar

1789: comunautat del Marnhès d'Angles, senescalciá de Carcassona, diocèsi de Sant Ponç; comunautat del Marnhès de Braçac, senescalciá de Castras, diocèsi de Castras. La parroquia del Marnhès d'Angles es Santa Magdalena de la Granja.
1790: comuna del Marnhès d'Angles, canton d'Angles, districte de Sant Ponç; comuna del Marnhès de Braçac, canton de Braçac, districte de La Cauna.
An V: lo Marnhès d'Angles passa al departament de Tarn. Lo canton d'Angles (que passa a Tarn) es escambiat per lo canton de Sant Gervais (que passa a l'Erau). Doncas lo Marnhès d'Angles passa al departament de Tarn.
An X: comuna del Marnhès d'Angles, canton d'Angles, arrondiment de Castras; comuna del Marnhès de Braçac, canton de Braçac, arrondiment de Castras.
Uechena lei del 17 de junh de 1846: fusion de las comunas del Marnhès d'Angles e del Marnhès de Braçac. L'ensemble de la comuna es del canton de Braçac.^[6]