La Marca (Gironda)

Pels articles omonims, vejatz La Marca (omonimia).

La Marca^[1] (Lamarque en francés) es una comuna medoquina de Guiana, lingüisticament gascona, administrada pr'au departament de Gironda de la region de la Noèra Aquitània, ancianament d'Aquitània. La comuna es situada en Medòc, en país rebeiron.

La Marca
Lamarque

Armas

Geografia fisica

Coordenadas

45° 05′ 49″ N, 0° 43′ 00″ O

Superfícia

8,91 km²

Altituds
· Maximala
· Mejana
· Minimala

19 m
10 m
0 m

Geografia politica

Guiana

Medòc

França

Lo Sud-Medòc (Castèthnau de Medòc avant 2015)

Intercom
243301447

CC de Medòc Estuari

Cònsol

Dominique Saint-Martin
(2008-2014)

Geografia umana

Populacion
Populacion totala
(2019)

1 323 ab.

Evolucion de la populacion

1 335 ab.

Densitat

140,63 ab./km²

Autras informacions

Còde postal

33460

Còde INSEE

33220

Geografia

Comunas a l'entorn.

Istòria^[2]

Lo castèth de la Marca

La senhoria de la Marca existís aumens dempuèi lo sègle XIII. Lo castèth auré servit a empachar los navius enemics o piratas de remontar Gironda, coma lo castèth de Castilhon, a Sent Cristòli. La senhoria apartingut successivament aus senhors de Castilhon, au duc de Glocester apuèi a la familha de Candale. Passèt aus Foish-Candale e a la familha de Brassier. Lo castèth estut vendut coma ben nacionau pendent la Revolucion, e fenit per estar crompat prau comte de Fumèl en 1841.

Lo castèth que veden actualaments estut bastit au sègle XIV per Ponç de Castilhon saus rèstes d'una fortalesa dau sègle XI. Possedís un donjon circular a l'exterior, octogonau a l'interior. A costat, una tor emb d'una capèra dobla (hauta e bassa) dont las vòutas esturen rehèitas au sègle XVIII.

Lo castèth estut remaniat au sègle XVIII, apuèi au XIX.

Lo pòrt de La Marca

La posicion en bòrn de Gironda de la comuna es importanta: maugrat una febla activitat maritima a la diferéncia de Paulhac, lo pòrt a totjorn permés d'assegurar un trafec entre Blaia, las islas de l'estuari apuèi la riba medoquina. Dempuèi totjorn, das gabarras e das iòlas hèden passar marchandisas (bòsc apuèi vin de Medòc, cerealas de Charantas)) e passatgèirs anant a las hèiras de Blaia (Senta Caterina) e de La Marca (Sent Bertomiu). Aquith trafec hadè viure das boèirs. Tanben, das puscaires alimentavan lo marcat locau.

En 1902, un servici ja existent entre Bordèu, Blaia apuèi Paulhac, reservat aus passatgèirs, consentit de har escala a La Marca ; l'escala estut egau suprimida en 1915. En 1912, per das rasons de desvolopament economic, lo maire de Cussac avièt l'idèa de méter en plaça un bac de vapor entre Blaia e La Marca. Lo projècte estut retardat a causa de la guèrra, mès estut adoptat en definitiva en 1932; la permèira traversada dau bac se hadut lo 15 de març de 1934.

La glèisa Sent Saurin de La Marca^[3]

La glèisa, bastida entre 1836 e 1838, apuèi dinc a 1870 en mantun talh, es extraordinària per son dòma. Es tanben originala dens sa superposicion particulara d'elements: faciada planèira, clochèir de basa carrada mès dòma octogonau. La glèisa compòrta tres naus; las capèras lateralas, daus murs ornats de frescas, son dedicadas a la Verge e a sent Joan Batista. Lo novèth dòma data de 2005, l'ancian, tròp vielh, agent discut estar despausat en 1968.

La glèisa precedenta, dont ne damòra ren, èra estuda bastida en 1674, la pes vielha estent jutjada incomòda.