Forèst (Lengadòc)

Forèst (Le Forest en francés) es un pichon territòri istoric de Lengadòc situat dins les departaments d'Aude e d'Arièja e las ancianas region de Lengadòc-Rosselhon e de Miègjorn-Pirenèus, ara totas d'Occitània.

Definicion

Segon l'abat Savartés, le Forèst es una subdivision del Pagus Tolosanus limitada al nòrd per Vixiège (nom francés), afluent d'Erç Viu, e per Puèja, a l'èst per le Rasés pròpriament dit, a l'oèst per Erç, al sud per Olmés e la vigariá de Cuèlha (nom supausat); Cuèlha es al sud de Mirapeis. Aquel ministerium apertenguèt primièr en partida a la diocèsi de Pàmias creada en 1295, puèi a la diocèsi de Mirapeis, en partida a la diocèsi de Narbona, çò que fa dire als autors de la Gallia Christiana qu'aquel territòri èra del comtat de Rasés .

Toponimia

Las fòrmas ancianas son : In comitatu Redense, ministerio Licionense en 941, In Liciagense en 943, in pago Tolosano, ministerium de Lacianense en 968, Lucianense en 968, [Saint-Just-de-] la-Forest en 1552, De Forest ou de Bélengard en 706.
Saint-Just-de-la-Forest es dins la comuna d'Esculhens e Sant Just de Belengard. Le nom a cambiat e le primièr nom Lici- o Luci- es de mal completar.