Florenç

Florenç; Flourens
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	L'ostal de comuna.
	Geografia fisica
Coordenadas	43° 35′ 47″ N, 1° 33′ 48″ E
Superfícia	9,74 km²
Altituds; · Maximala; · Mejana; · Minimala	; 243 m; 200 m; 152 m
	Geografia politica;
País	Lengadòc;
Parçan	Tolosan;
Estat	França;
Region; 76	Occitània ;
Departament; 31	Nauta Garona ;
Arrondiment; 313	Tolosa;
Canton; 3143	Tolosa-10 (Tolosa-8 abans 2015);
Intercom; ZZZZZZZZZ	Tolosa Metropòli;
Cònsol	Marion Rivoire ; (2024-2026)
	Geografia umana
Populacion; Populacion totala; (2018)	2 009 ab. Evolucion de la populacion; 2 046 ab.
Densitat	190,66 ab./km²
	Autras informacions
Còde postal	31130
Còde INSEE	31184

Vila d'Occitània

Florenç^[1]^,^[2]^,^[3]^,^[4] (Flourens en francés) es una comuna lengadociana del Tolosan, situada dins lo departament de la Nauta Garona e la region d'Occitània, ancianament de Miègjorn-Pirenèus).

Es una comuna de Tolosa Metropòli.

Geografia

Ara, l'urbanizacion d'ostals individuals es mai que mai a l'entorn de Florenç, gaireben en continuïtat ambe Montauriòl e pas tant a l'entorn de la Magdalena. Le site de Puèg-Auriòl, distinct de la Magdalena, garda son castèl, mes es pas urbanizat ^[5].

Mapa de la comuna e de las comunas vesinas.

Perimètre del territòri

Comunas confrontantas de **Florenç**
	Le Pin de Balmar	Monts
Balmar		Dremil e La Faja
	Quint e Fontsagrivas

Toponimia

Florenç

Florenç (atestat Florent en 1428) ven del nom latin d'òme Florentius, emplegat sol ^[6]^,^[7]. Es probablament lo nom d'una anciana villa galloromana.

Puèg-auriòl (nom supausat)

Puèg-auriol ven del resultat del latin podium, « autura, tuca » e de l'epitèt auriòl, vengut del latin aureolus, diminutiu de aureus, « daurat » ^[8].
Segon Burgan e Lafon, a prepaus de Montauriòl, l'adjectiu auriòl es simbolic e valorizant, pas descriptiu de la color del sòl ^[9]. Mes i pòt aver de cases contraris. La comuna d'Oriolles, en Charanta ara francesa, a son nom atestat Auriola en 1100. La motivacion pòt èsser la preséncia de calcedònias pseudomorficas, de color blonda, que i an trobat ^[10].

Istòria

Pendent l'Ancian Regime, Florenç èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Le vocable de la glèisa es Sent Martin. En 1790, Florenç èra del canton de Tolosa; en l'an IX, del canton de Tolosa-sud, en 1973, de Tolosa-8 ^[11].

Pendent l'Ancian Regime, La Magdelaine o Péchauriolle èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Le vocable de la glèisa es, de segur, Senta Magdalena. En 1790, Péchauriòlle èra del canton de Tolosa; en l'an IX, del canton de Tolosa-sud. Péchauriolle fosquèc fusionat ambe Florenç per ordenança del 5 de setembre 1847 ^[12]. La mapa Cassini presenta La Magdelaine coma una parròquia annèxa, una sucursala. La Magdelaine, a l'ooèst-nòrd-oèst de Florenç, a conservat sa glèisa, venguda « capèla ».

La mapa d'Estat-Major (sègle XIX, logicament aprèp 1847) mòstra Péchauriolle (Puèg-Auriòl en occitan probablament) coma caplòc, mes sus la mapa de las annadas 50 lo caplòc èra Florenç e la Magdalena es simplament lo nom d'una capèla, pas d'un lòc^[5].

Administracion

Lista dels cònsols successius
Periòde		Identitat	Etiqueta	Qualitat
novembre de 2024	(2026)	Marion Rivoire
14 de decembre 2018	agost de 2024 (demission)	Jean-Pierre Fouchou-Lapeyrade ^[13]		retirat de la SNCF
17 de julhet de 2017	14 de decembre 2018	Claudette Faget ^[14]	divèrs dreta	retirada de profession liberala
març de 2014	julhet 2017	Corinne Vignon-Estéban	divèrs dreta puèi LREM	quadra superiora, deputada dempuèi junh 2017 e demissionària en julhet 2017 per rason d'incompatibilitat legala
març de 2001	2014	Didier Cortes	PS	inspector d'estudis Enac
març de 1983	2001	Jean Pierre Suspène
març de 1977	1983	Philippe Ranvoisy	centrista	engenhaire
1945	1977	Louis Durand		espleitaire agricòla
1919	1945	Étienne Rivals
	1919
Totas las donadas non son pas encara conegudas.