Dobrir lo menú principal

Estat latin de Constantinòble

(Redirigit dempuèi Estat latin de Constantinòple)

L'Estat Latin de Constantinòble èra un estat latin fondat en 1204 après la presa de Constantinòble durant la Quatrena Crosada e desaparegut en 1261 après la reconquista de la capitala bizantina per l'Empèri de Nicèa. L'objectiu dei Crosats d'Occident èra de crear un estat fidèu a la Glèisa Catolica Romana e Venècia gardava e aumentava sei basas comercialas dins la region. Pasmens, l'estat mau capitèt d'installar sa dominacion sus la region e demorèt sota la pression militara dei principats bizantins creats après l'afondrament de l'Empèri Bizantin. A partir de la fin deis annadas 1230, la situacion militara èra fòrça malaisada e lei bizantins reconquistèron finalament Constantinòble en 1261.