Eiçac

Eiçac^[1], foneticament [ɛj’ʂɒ] ^[2] (Issac en francés), es una comuna d'Occitània, dins la region istorica de Perigòrd, administrada per lo departament de Dordonha de la region de Novela Aquitània, ancianament d'Aquitània.

Eiçac
Issac

Lo borg d'Eiçac.

Geografia fisica

Coordenadas

45° 00′ 58″ N, 0° 27′ 06″ E

Superfícia

23,32 km²

Altituds
· Maximala
· Mejana
· Minimala

202 m
70 m
57 m

Geografia politica

França

Periguers (Brageirac davant 2017)

Canton
2445

Perigòrd centrau, Vilamblard davant 2015

Intercom
242401107

CC d'Eila e Cremsa en Perigòrd (2017 --->)

Cònsol

Jean-Claude Lopez
(2020-2026)

Geografia umana

Populacion
Populacion totala
(2018)

440 ab.

Evolucion de la populacion

443 ab.

Densitat

16,94 ab./km²

Autras informacions

Còde postal

24400

Còde INSEE

24211

Geografia

Comunas a l'entorn.

Toponimia

La prononciacion es [ɛj’ʂɒ] ^[2]. Lo nom d'Eiçac (attestations Yssacum, au segle XIII, Eychacum en 1342, Yssac en 1365, Ischat en 1382 e Eyssac au segle XVI ^[3]) vendriá dau nom d'òme gallo-roman Iccius o Isicius, emb lo sufixe -acum ^[4]^,^[3], latinizacion dau sufixe gallés -*acon. Seriá donc una propietat rurala d'origina gallo-romana. La grafia Eiçac^[2], es la pus etimologica, per una prononciacion identica.

Aquò's un cas que i- inicial a desvolopat un e- que lo precedís, en formant entau un diftongue. L'origina dau fenomèn es anciana : au mens lo sègle XIV. Las atestacions d'aqueu sègle balançan entre e- e i-, çò que poiriá èsser lo signe sia de reaccions cultas, motivadas per l'influéncia daus escrits ancians, sia d'un balançament vertadier dins la lenga orala. Per comparason : Eisac. L'explicacion es simpla : dins de frasas coma Vau a Içac o Demòra a Içac, [-e-] sèrv de transicion entre a e i- en iatus. Quand la novèla prononciacion comença a s'installar, sembla tota naturala dins un parlar que multiplica los cas de [ej-] o [ɛj-], subretot davant l'accent tonic (venguts de ai- pretonic o de es + consonanta). L'articulacion en [ɛj-] puslèu qu'en [ej-] es un signe de l'afebliment de l'accent tonic que pòt passar sus la sillaba iniciala (escotar la prononciacion ^[2]).