Economia de Kenya
Lo desvolopament economic de Kenya es afectat pels nauts indicis de corrupcion e per la dependéncia de produchs primaris amb basses prèses dins lo mercat internacional. Lo produch interior brut de Kenya queiguec continuament d'un maximal de 6,5% a l'an en lo primièr decenni après l'independéncia cap a mens de 4% a l'an en lo decenni seguent, e après 1,5% l'an durant los ans 1990.
| Economia de Kenya | |
|---|---|
.svg)  | |
| Moneda | Shilling de Kenya |
| Organizacions comercialas | OMC, Union Africana |
| Estadisticas[1] | |
| PIB | USD 63,52 miliards (2009) |
| Reng PIB | 83en [2] |
| Creissença del PIB | 1,8% (2009) |
| PIB per càpita | 1600 (2009) |
| PIB per sector | agricultura 21,4%, industria 16,3%, comèrci e servicis 62,3% (2009) |
| Inflacion | 20,5%(2009) |
| IDH | cap d'informacions |
| Populacion jol lindal de pauretat | 50% (2000) |
| Fòrça de trabalh | 17,47 milions (2009) |
| Fòrça de trabalh per ocupacion | agricultura 75%, industria, comèrci e servicis 25% (2008) |
| Caumatge | 40% (2009) |
| Partenaris comercials[1] | |
| Expòrts | 4 479 milions (2009) |
| Sòcis principals | Reialme Unit 10,2%, Païses Basses 9,4%, Oganda 9,1%, Tanzania 8,9%, Estats Units 6,4%, Paquistan 5,7% (2008) |
| Impòrts | 9 031 milions (2009) |
| Sòcis principals | Emirats Arabis Units 11,9%, Índia 11,8%, Republica Populara de China 10,3%, Arabia Saudita 8,3%, Sud-Africa 5,9%, Japon 5,3%, Estats Units 4% (2008) |
| Finanças publicas[1] | |
| Deute extèrne | US$ 7 729 milions (2009) |
| Revenguts | USD cap d'informacions |
| Despensas | 8 759 milions (2009) |
En 1997 lo Fons Monetari Internacional suspendèt l'ajuda dins lo país a causa del fracàs del govèrn en redusir la corrupcion. Durant los ans 1999 e 2000 la situacion foguèt agravada per una secada qu'afectèt durament l'agricultura. Coma consequéncia, lo PIB queiguec 0,2% lo 2000[1]. En 2004 la creissença annala tornèt pujar cap a mai de 5% a l'an.
En decembre de 2002 passèron d'eleccions generalas qu'an finalizat als 24 ans de govèrn de Daniel arap Moi. L'oposicion ganhèt las eleccions amb grandas provocacions a afrontar. Après qualque progrès en lo combat a la corrupcion, lo govèrn de Mwai Kibaki foguèt afectat per d'escandals en 2005 e 2006. En 2006 lo FMI endarrierèt l'ajuda a causa de manca d'accions contra la corrupcion[1].
L'agricultura contunha a dominar l'economia del país, malgrat solament 15% de las tèrras del país aver sufisenta fertilitat e pluviositat pel cultiu, e que solament 7 o 8% de las tèrras pòdon èsser consideradas excellentas. En 2006 gaireben 75% de la populacion vivián de l'agricultura, comparabla a 80% en 1980. Gaireben mitat de la produccion agricòla del país es de subsistencia. Los principals cultius son lo tè, legums, milh e cafè.
