Duravèl

Duravèl^[1]^,^[2]^,^[3]^,^[4] (Duravel en francés) es una comuna carcinòla situada dins lo departament francés d'Òut e la region d'Occitània, ancianament de Miègjorn-Pirenèus.

Duravèl
Duravel

Armas

Geografia fisica

Coordenadas

44° 31′ 02″ N, 1° 04′ 50″ E

Superfícia

14,97 km²

Altituds
· Maximala
· Mejana
· Minimala

271 m
103 m
65 m

Geografia politica

França

Caors

CC de la Val d'Òut e del Vinhal

Cònsol

Gérard Calassou
(2020-2026)

Geografia umana

Populacion
Populacion totala
(2018)

957 ab.

Evolucion de la populacion

964 ab.

Densitat

65,26 ab./km²

Autras informacions

Còde postal

46700

Còde INSEE

46089

Geografia

Comunas a l'entorn.

Perimètre del territòri

Comunas confrontantas de **Duravèl**
Sent Martin lo Redond	Montcabrièr
Soturac
Tosac	Vira	Puèg l'Avesque

Toponimia

Duravèl pòt venir de l'adjectiu dura, que Gaston Basalgas glòsa coma « terra nusa », o eventualament del gallés duros, « fortalesa », ambe lo nom occitan val, deformat ^[5]. L'evolucion val > vèl, vel-, que s'explica pas, es pas isolada. Se rencontra tanben a Velbaser, sovent interpretat per analogia coma un Bèlvéser, a Valpronda, prononciat ([bel'prundɔ]), a Velromana, [belru'manɔ], en francés Valromane, comuna de Montagudet^[6]; en Coserans (Gasconha), una val pòrta lo nom francés de Bellongue ([bel'lungɔ] ?) : vath longa.

Istòria

Modificacions del territòri comunal (1795-1893)

Entre 1795 e 1800, Duravèl recebèt Montcabrièr, Sent Martin lo Redond, Cazes-de-Marnac (nom francés, deu èsser Casas (de) Marnhac, nom supausat), Mazieres (nom francés, donc Masièras) e Pestillac (nom francés, donc benlèu Pestilhac).
En 1840, Duravèl perdèt Montcabrièr, comuna novèla, Mazieres e Pestillac, donats a Montcabrièr.
En 1893, Duravèl perdèt Sent Martin lo Redond, comuna novèla ^[7].

Ancian canton de Duravèl

Creat pendent la Revolucion francesa e suprimit en 1801 per efècte de la lei del 8 pluviôse an IX (28 de genièr 1801) intitulada « lei portant reduccion del nombre de justícias de patz » (traduccion del francés), l'ancian canton de Duravel compreniá las comunas seguentas :

Duravèl (5900 abitants al recensament de 1793, nombre improbable, que, malgrat plan d'annexions entre 1795 e 1800, Duravèl aviá pas que 2804 abitants en 1800; deu comprene una bona partida del canton);
Montcabrièr, 560 abitants en 1793, annexat a Duravèl de 1795-1800 a 1840;
Sent Martin lo Redond, 960 abitants en 1793, annexat a Duravèl de 1795-1800 a 1893;
Cazes-de-Marnac (nom francés, deu èsser Casas (de) Marnhac, nom supausat); lo vilatge es près de la RD 673, entre Sent Martin lo Redond e Montcabrièr), 200 abitants en 1793, annexat a Duravèl en 1795-1800;
Mazieres (nom francés, donc Masièras), 600 abitants en 1793, vilatge situat a l'èst de Montcabrièr, annexat a Duravèl en 1795-1800 e transferit a Montcabrièr en 1840;
Pestillac (nom francés, donc benlèu Pestilhac), vilatge situat al NNO de Montcabrièr, a pauca distància, 950 (?) abitants en 1793, annexat a Duravèl en 1795-1800 e transferit a Montcabrièr en 1840 ^[7];
Soturac, 802 abitants en 1793;
Aglan (nom francés), vilatge a l'èst de la comuna, dins la ribièra d'Òlt, 450 abitants en 1793, annexat a Soturac entre 1795 e 1800;
Cavagnac (nom francés, donc Cavanhac), vilatge al nòrd de Soturac, 750 abitants en 1793, annexat a Soturac entre 1795 e 1800;
Couvert o Couverc (nom francés), vilatge al nòrd de la comuna, prèp de Bonaguil, 680 abitants en 1793, annexat a Soturac entre 1795 e 1800; (malgrat totas aquelas annexions, Soturac passèt pas que de 802 abitants a 983 entre 1793 e 1800, çò que fa dobtar de las donadas del recensament de 1793) ^[8];
Tosac, 461 abitants en 1793;
Vira, 326 abitants en 1793, annexat a Tosac de 1795-1800 a 1841 ^[9].

Pr'amor de l'irrealisme d'unas donadas, se pòt pas calcular la populacion totala del canton. Lo canton de Duravèl foguèt fusionat ambe lo de Puèg l'Avesque en 1801.

Administracion

Lista dels cònsols successius
Periòde		Identitat
2020	2026	Gérard Calassou
2014	2020	Joséfa Ruiz-Rubio
març de 2008	2014	Jacques Parmentier
març de 2001	2008	Jean Zambon
	2001
Totas las donadas non son pas encara conegudas.