Departament de Tarn
|
Departament de Tarn (81)
| |
|---|---|
| |
| OpenStreetMap | . |
| Administracion | |
| Region istorica | Lengadòc, Albigés |
| Region | Occitània |
| Prefectura | Albi |
| Prefècte | François-Xavier Lauch |
| President del conselh departamental |
Christophe Ramond (PS) |
| Sosprefectura(s) | Castras
|
| Demografia | |
| Populacion Populacion totala |
391 066 ab. (2020) 401 496 ab. |
| Densitat | 67,92 ab./km²
|
| Geografia | |
| Superfícia | 5 758 km²
|
| Subdivisions | |
| Arrondiments | 2 |
| Circonscripcions | 3 |
| Cantons | 23 |
| Intercomunalitats | 14 |
| Comunas | 314
|
| Autras informacions | |
| Còde INSEE | 81 |
| ISO 3166-2 | FR-81 |
| NUTS-3 | FRJ27 |
| Sit web | tarn.gouv.fr |
Lo departament de Tarn es una division administrativa francesa que curbís un territòri complètament occitan. Lo nom li ven de l'aiga del meteis nom. Fa partida de la region administrativa d’Occitània.
Lo prefectura es Albi, e l'unica josprefectura Castras. La populacion oficiala es de 401 496 abitants (2020). Lo còde geografic oficial es 81.
Una collectivitat territoriala desconcentrada, tanben apelada departament de Tarn, es administrada pel Conselh departamental de Tarn.
Istòria
modificar
Lo departament d’Albigés es creat a partir d'una part de la província de Lengadòc lo 3 de febrièr de 1790. Es devesit en 5 districtes (Albi, Castras, Galhac, La Cauna e La Vaur), e lo capluòc a Castras. Pren rapidament lo nom de Tarn. Lo capluòc passa a Albi en 1795.
En 1797, escàmbia de cantons amb lo departament d'Erau.
En 1800, es devesit en 4 arrondiments: Albi, Castras, Galhac e La Vaur. En 1926 los arrondiments de Galhac e La Vaur son suprimits e annexats per los d’Albi e Castras.
En 1960 es restacat a la circonscripcion d'accion regionala (region en 1972) de Miègjorn-Pirenèus. En 2016 ven part de la region d’Occitània.
Eraldica
modificarTarn a pas d’escut oficial. Pasmens dins l’Armorial de Traversier (1842)[1] e l’Atlas de Levasseur (1854)[2] s’utilizava l’escut d’Albi, sens lo solelh nimai la luna.
-
Escut del departament segon l’Atlàs de Levasseur (1854) -
Escut propausat per Robert Louis (annadas 1950) pel departament -
Escut modèrne de la ciutat d’Albi -
Escut de la ciutat de Castras -
Escut de la ciutat de Galhac -
Escut de la ciutat de La Cauna -
Escut de la ciutat de La Vaur
.svg)
.svg)
.svg)
.svg)
.svg)
.svg)
Còdis
modificarA sa creacion, lo departament reçaup lo numèro 77 que se gardarà entrò la fin del sègle XIX.
De 1901 a 1928, Tarn es dins l'arrondiment mineralogic de Tolosa: los veïculs son immatriculats T.
De 1928 a 1951, los veïculs del departament son immatriculats XV a XZ.
Lo còdi de departament 81 es atribuït a Tarn en 1943 pel servici nacional de l'estatistica francés (vengut INSEE en 1946). Aquel còdi apareis de 1951 a 2009 suls veïculs immatriculats dins Tarn. La pòsta francesa l'adòpta en 1964.
Lo servici europèu d'estatistica (Eurostat) li atribuís en 1979 lo còdi NUTS-3 FR627.[3] Lo 21 de novembre de 2016,[4] reçaup lo còde FRJ27[5] qu'es valedor per la transmission de donadas estatisticas a partir del 1èr de genièr de 2018.[6]
Véser tanben
modificarReferéncias
modificar- ↑ Henri Traversier, Léon Vaïsse. Armorial national de France. Recueil complet des armes des villes et provinces du territoire francais, reuni pour la premiere fois, dessine et grave par H. Traversier..., Paris: Challamel, 1842.
- ↑ Victor Levasseur. Atlas National Illustré des 86 Départements et des Possessions de la France Divisé par Arrondissements, Cantons et Communes, avec le tracé de toutes les routes, chemins de fer et canaux. Paris: A. Combette, 1854
- ↑ Lo còdi ven "legal" per la publicacion del Règlement (CE) no 1059/2003 du Parlement européen et du Conseil relatif à l’établissement d’une nomenclature commune des unités territoriales statistiques (NUTS)
- ↑ "Règlement (UE) 2016/2066" de la Comission europèa del 21 de novembre de 2016, Jornal oficial de l'Union europèa del 26 de novembre de 2016, vesedor sul site Eurolex.
- ↑ Dintra en vigor 20 jorns après la publicacion al jornal oficial, lo 16 de decembre de 2016
- ↑ Comparason dels còdis NUTS de 2013 e 2016 sus la pagina "Historique de la NUTS" del site Eurostat.
