Christophe Ramond
Christophe Ramond (n. 25 de febrièr de 1974 a Montalban) es un òme politic occitan, del partit socialista francés.
Faguèt d’estudis de sciéncias politicas e de drech public e comencèt lo trabalh coma ajutòri parlamentari de Jacques Valax, deputat de Tarn. En 2015, es elegit conselhièr departamental de Tarn, amb Éva Géraud, dins lo canton d’Albi 3. En 2017, es elegit president del Conselh departamental de Tarn.[1] En 2021, es reelegit conselhièr departamental e demòra president.[2]
Referéncias modificar
- ↑ "Le socialiste Christophe Ramond élu ce matin nouveau président du conseil départemental du Tarn", ladepeche.fr, 15 de septembre de 2017.
- ↑ "Christophe Ramond", ficha dels conselhièrs sul sit del Conselh departamental de Tarn.