Vent d'autan

Lo vent d'autan es un vent bufant dins l'Occitània centrala, en provenéncia del Sud-Èst/Sud-Sud-Èst, qu'afècta Rosselhon e Lengadòc mas que bufa tanben sovent fins a Tolosa e quitament de còps fins a Montalban o encara Agen, e mai suls plans del sud de Peiregòrd e sus la valada mejana de Dordonha.

S'agís lo pus sovent d'un vent sec e caud sovent caracterizat per una cèrta turbuléncia deguda a las acceleracions que subís de còps en s'engolissent dins cèrtas valadas coma entre Carcassona e Masamet. Se ditz dins las regions ont sevís que pòt rendre fòl !

Èra autrescòps lo vent dels molins de vent dins lo sud de Peiregòrd e dins l'Agenés Naut.