Senta Marta (Òut e Garona)

Pels articles omonims, vejatz Santa Marta (omonimia).

Senta Marta (Sainte-Marthe en francés) es ua comuna agenesa de Gasconha, situada dens lo departament d'Òut e Garona e la region de Navèra Aquitània, ancianament d'Aquitània.

Senta Marta
Sainte-Marthe

La glèisa de Sent Sauvador.

Geografia fisica

Coordenadas

44° 24′ 53″ N, 0° 08′ 59″ E

Superfícia

9,65 km²

Altituds
· Maximala
· Mejana
· Minimala

94 m
70 m
28 m

Geografia politica

Gasconha Agenés

França

Las Seuvas/Ahorèsts /Los Bòscs de Gasconha (Lo Mas d'Agenés avant 2015)

Intercom
244701355

CC deus Tuquets e Lanas de Gasconha

Cònsol

Bernard Massias
(2020-2026)

Geografia umana

Populacion
Populacion totala
(2018)

622 ab.

Evolucion de la populacion

627 ab.

Densitat

56,99 ab./km²

Autras informacions

Còde INSEE

47253

Geografia

Comunas a l'entorn.

Perimètre deu territòri

Comunas confrontantas de **Senta Marta**
Samasan	Horcas	Caumont de Garòna
		Lo Mas d'Agenés
Boglon	Lo Gresèth e Cavanhan	Senta Gema e Martalhac

Toponimia

Las fòrmas ancianas son : Sancte Marthe de Miozidz (eccl ~), en latin, en 1097-1027, Sancta Marsa (decima de ~), en latin, au sègle XIII, Sancta Marsam, Sancta Marsa; Sancta Marsa, en latin, en 1259, Sancte Marte (capella ~), en latin, en 1326. La prononciacion es ['seŋtə'martə]^[1]. Lo nom de Marta, sòr de Làzer e de Maria de Betània, pausa pas de problèma e devèva estar plan coneishut deus escribas. Justament, aqueths escribas escrivón Sancta Marsa au sègle XIII, probable qu'èra pas per azard e que correspondè a quauquarren dens la prononciacion de l'epòca. Un crosament de Martha e de Martia, varianta de Martius, « deu diu Mart (o Mars) », seré donc pas impossible, dens condicions que nos escapan. Se l'ipotèsi es justa, lo nom Marça tornèt après a sa fòrma sabenta regulara Marta.

Miozidz, citat en 1097-1127 [nom ancian deu vilatge ?] s'explica benlèu per un cognomen Minus e, eventualament, lo sufixe -ellu- : *Minusellum > *Mi(n)usello (amudiment gascon de -n- intervocalica) > *Miusèth ^[1] ? Per explicar la finala -dz, los gentilicis shens sufixe de l'oèst occitan, sovent confonuts dab lo nom deu vilatge eth-medish, serén una possibilitat, au quite sègle XI (o XII).

Istòria

Senta Marta èra (normalament) de la ciutat deus Nitiobròges e après de la diocèsi d'Agen, çò que justifica mèi o mens de lo plaçar dens l'Agenés. Dempui lo 13 d'agost 1317 e d'aquí a la Revolucion, èra de la diocèsi de Condòm creada per Joan XXII. Èra a quauques km de la diocèsi de Vasats, que comença a Samasan ^[2].
La comuna se creèt en 1857, a partir deu territòri de Horcas ^[3].

Administracion

Lista deus cònsols successius
Periòde		Identitat	Qualitat
2014	2026 ^[4]	Bernard Massias	retirat de quadre superior de Caisha d'Estauvis
1989	2014	Michel Sauvage	retirat de leitaria
1979	1989	Elie Chaulet
1942	1979	Marie-Joseph Seré de Lanauze
1904	1942	Joseph Edgard Seré de Lanauze
1900	1904	Jean-Jacques Naissant
1876	1900	Joseph Abel Seré de Lanauze
1871	1876	Jean Mimaud
1870	1871	Jacques TREJAUT
1860	1870	Jean Videau
1858	1860	Etienne Bonnis
1857	1858	Pierre Seré-Lanauze
1852	1857	Jean Fontaine-Marouart (o -Maronat)
1848	1852	Pierre Seré-Lanauze
1846	1848	Jean Vacqué
1830	1846	Pierre Seré-Lanauze
1830	1830	François Mimaud
1822	1830	Jean Bordes
1816	1822	R.C. Richard de L'Isle
1810	1816	Jean Seré-Lanauze
1809	1810	Pierre Tauzin
1805	1809	Pierre SERÉ-MEZAILLE
1800	1805	Guillaume Balliar-Laubaride
1798	1800	Jean Laloubère
1797	1798	Pierre Daguerre
1796	1797	Pierre Tauzin
1793	1796	Jean Margastand ^[5]
Totas las donadas non son pas encara conegudas.

Avant la refòrma cantonala de 2014, aplicada en 2015, la comuna èra deu canton deu Mas d'Agenés; es ara deu canton de Las Seuvas/Ahorèsts /Los Bòscs de Gasconha.