Sant Eustaqui (Antilhas)

Sint Eustatius

Devisa nacionala: cap
Lengas oficialas	neerlandés, papiamento, anglés
capitala	Oranjestad
Rei	Guilhèm Alexandre
Superfícia	21 km²
Populacion	2886 (2010)
Comuna	dels Païses Basses
Moneda	Dolar american
Ora	UTC-4
ISO-3166	BQ
Domeni internet	.an
Còde telefonic	+599

Sant Eustaqui (Sint Eustatius) es una illa de la mar Cariba, qu'aparten a las pichonas Antilhas. Forma una entitat publica d'oltramar dels Païses Basses. Sa capitala es Oranjestad que ten son nom de la familha reiala neerlandesa d'Aurenja.

Istòria

Longtemps centre principal de la colonizacion neerlandesa, l′illa foguèt presa e cremada pels angleses en 1781, a l′escasencça de la guèrra d′independéncia dels Estats Units d′America, que lor vendiá d'armas. Lo 10 d'octobre de 2010, l′illa, qu'aviá votat majoritàriament contra la dissolucion de las Antilhas Neerlandesas, devenguèt après aquela una entitat publica dels Païses Basses.

Lo 17 de decembre de 2014, se fa un referendum per decidir de cambiar o pas l′estatut de l′illa: son propausadas l′independéncia totala, l′estatut de país associat (coma Curaçao), o lo de comuna ordinària dels Païses Basses. La resulta favorabla a l'estatut de país associat es anullada per causa de manca de participacion.

Geografia

Lo Quill de Sant Eustaqui

L'illa es d'origina volcanica amb tres volcans, lo Quill (que culmina al pic Mazinga, 600 ) al Sud-Èst e lo parelh Còla del Senhal (Signal Hill, tanben sonada Bergje, Mont Pichon) e Mont Boven al Nòrd-Oèst.

Cultura

La populacion parla una mena de creòl de la basa anglesa.