Ramon de Tèrme
Ramon III de Tèrme (c. 1170 - Carcassona, c. 1210) foguèt lo senhor de Tèrme e d'autres luòcs en Termenés. Tanben un cavalièr, combatèt per la causa occitana pendent la Crosada dels albigeses.
 Ensag de restitucion del castèl e vila fortificada de Tèrme al temps de Ramon III. | |
| Biografia | |
|---|---|
| Naissença | 1170 (Gregorian)  |
| Mòrt | 1210 (Gregorian) (39/40 ans) |
| Carrièra militara | |
| Reng | cavalièr |
| Conflicte | Crosada dels albigeses |
|
| |
| Autres | |
| Descendéncia | Olivièr de Tèrme |
| Fraires | Beneset de Tèrme |
Biografia
modificarSe sap pas grand causa de sa vida. Èra lo filh de Guilhèm de Tèrme e Adalmurs de Fenolheda. Beneset de Tèrme, avesque catar de Rasés, èra possibalment son fraire.[1][2] Formalament èra vassal dels vescomtes de Carcassona, malgrat que gerissiá granda partida sos territòris de faiçon independenta.
Crosada dels albigeses
modificarPendent la Crosada dels albigeses, de nombroses cresents catars e lors familhas cerquèron proteccion dins la vila en terrassas e fortificada (castrum) de Tèrme, el meteis protegit pel castèl. Aiçò, combinat al fach que la messa èra pas estada dicha dins lo castèl dempuèi mai de trenta ans, Ramon foguèt acusat de sostenir e de protegir l'eretgia albigesa.
Lo castèl foguèt demest los primièrs assetjats per l'armada de cavalièrs crosats de Simon de Montfòrt, en granda partida venguts del nòrd de França. Se rendèt al cap de quatre meses en decembre de 1210 a causa de la manca d'aiga e de noiridura après la contaminacion de la cistèrna. Ramon de Tèrme foguèt capturat e empresonat a Carcassona, ont se moriguèt pauc de temps après.[1]
Descendéncia
modificarRamon III aguèt dos filhs e doas filhas:
- Son filh ainat, Olivièr de Tèrme (c. 1200-1274)[3], vendrà alara l'un dels Faidits (cavalièrs abnegats a la causa catara) los mai importants e famoses, amb Chabèrt de Barbairan, senhor de Querbús, e Jacme Taudou senhor de Vilamanha, puèi esposarà la causa del rei de França.
- Lo segond filh, Bernat, se moriguèt pendent las batalhas per la reconquista de l'illa de Malhòrca (1228/29).
- Las doas filhas, Blanca e Raimonda, esposèron de descendents d'importantas familhas lengadocianas.
Nòtas e referéncias
modificar- (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Ramon de Tèrme ».
- (de) Aqueste article es parcialament o en totalitat eissit d’una traduccion de l’article de Wikipèdia en alemand intitolat « Raimund III. (Termes) ».
- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Raymond de Termes ».
- ↑ 1,0 et 1,1 «Tèrme» (en francés). paratge.chez-alice.fr. [Consulta: 20/6/2020]
- ↑ Smith, 2017, p. Cap. 5.
- ↑ Cowper, 2012, p. 42.
