Beneset de Tèrme
Beneset de Tèrme èra un religiós catar nascut abans 1160 de segur al castèl de Tèrme e mòrt pauc après 1230 benlèu al castèl de Querbús.
| Biografia | |
|---|---|
| Naissença | decenni de 1160  Aude |
| Mòrt | decenni de 1240 (70/89 ans) Aude |
| Donadas personalas | |
| Religion | Catolicisme e catarisme |
| Activitat | |
| Profession | Prèire |
| Autres | |
| Fraires | Ramon de Tèrme |
Biografia
modificarSe tròba la primièra mencion de Beneset de Tèrme a l'escasença del collòqui de Montreal, en 1207. Es alara un diacre catar de Rasés, e donc dependent de l'avescat catar de Carcassona. Pendent aquela controvèrsia, mentre que Diego d'Osma es causit per èsser campion del camp catolic, los catars delègan Arnaud Oth (diacre de Cabardés) e Beneset de Tèrme.
En 1226, assistís a un concili catar qu'a luòc al Castèl de Piuça. Es fach avesque de Rasés a aquela escasença, avescat que compren Rasés pròpriament dich, s'espandissent fins a Mirapeis. Guilhabèrt de Castras li conferís lo consolament.
La darrièra mencion qu'ajam d'el se tròba dins las deposicions fachas a l'inquisicion, ont un certan Guilhem Cabilblanc indica li aver vendut un pastís de peis en 1230. Residissiá alara al castèl de Querbús, luòc de refugi pels religioses catars. Beneset, plan annadit, se morís probable pauc après car son filh menor, Raimond Agulher, es senhalat coma avesque de Rasés en 1233.[1]
Sembla èsser estat l'oncle e lo preceptor del celèbre cavalièr Olivièr de Tèrme, protector dels catars.
Nòtas
modificar- ↑ Non es per error que mantun obratge o balha per mòrt a Querbús en 1241. Ni la data ni lo luòc de decès non son pas coneguts.
Fonts, bibliografia
modificar- (2001) Olivier de Termes (en francés). Privat. ISBN 2-7089-7520-X.
- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Benoît de Termes ».
