Orlando (Florida)

Orlando es una vila des Estats Units d'America, sèti del comtat d'Orange, en Florida. La vila compta uèi 262372 abotants. Son Aglomeracion compren ela 2 267 846 de personas segon d'estimacions realizadas pel Burèu del recensament dels EUA^[2]. Es la siesena vila de Florida, e la primièra situada a l'interior de las tèrras de l'Estat. Orlando e los alentorns constituisson ara una de las zonas metropolitanas dels EUA de creissença mai rapida.

Orlando

Bandièra	Armas

Bandièra de Orlando, Florida	Armas de Orlando, Florida

Escais

The City Beautiful, Theme Park Capital of the World

Geografia fisica

Emplaçament Orlando

Coordenadas

28° 24′ 57″ N, 81° 17′ 56″ O

Superfícia

300,4499 km²^[1]

Geografia administrativa

Florida

Buddy Dyer (D)

Geografia umana

Populacion (2017)

280 257

Densitat

1 017,10 ab./km²

Autras informacions

Fus orari

EST (UTC -5)

http://www.cityoforlando.net/

Es subretot coneguda per son complèxe de léser Disneyworld creat per la Walt Disney Company en 1971, e per l'Universal Orlando Resort (1991) compausat de dos grands pargues, lo primièr sul cinema Universal Studios lo segond amb d'atraccions suls eròi de comics Islands of Adventure. Sens obliar City Walk, luòc compausat de restaurants, bars, cinemas e discotècas de tèmas diverses. La zona consacrada al mond magic de la saga Harry Potter es pas un pargue d'esperel mas un partida d'Islands of Adventure. I a tanben dins la vila un SeaWorld, pargue d'atraccions que lo concèpte se basa sus d'espectacles amb d'animals. Se trapa tanben, près d'Universal, lo pargue aquatic Wet'n'wild. Orlando atrach 52 milions de toristas cada an e es la segonda vila ostalièra del país. Orlando es una de las vilas que coneguèt lo mai important apond de populatcon dels EUA, fòrça de retirats èran venguts s'installar a Orlando per sa vida bona, sa situacion geografica e son clima, caractèrs que partejat amb lo rèste de la Sun Belt. L'aeropòrt internacional d'Orlando es lo quatorsen mai important del país en tèrmes de trafec.

Amb l'universitat de Florida centrala, Orlando compta la setena universitat dels EUA en capacitat. Una escòla per l'otelaria e restauracion se nomena Rosen College del nom de son mecèn màger.

Lo nom d'Orlando ven d'un soldat tuat pendent la segonda guèrra seminòla, Orlando Reeves, e son chafre es « The City Beautiful » (« la Vila bèla »). Lo simbòl d'Orlando es la font del lac Eola (en). Lo cònsol actual se nomena Buddy Dyer e foguèt elegit en 2003.

Istòria

Abans l'arribada dels Europèus en 1836, Orlando èra poblat pels Amerindians ente aute pels Creek. Pauc de sites arqueologics existisson ara levat aquel dels rèstes del fòrt Gatlin sul lac Gatlin al sud d'Orlando. Aquel fòrt fuguèt bastit 1838 per l'armada americana pedent las guèrras contra los Seminòls, mai fuguèt abandonat après la fin de la Tresena Guèrra seminòla. gaireben totes los colons arribèron pas qu'après las ostilitats en 1850.

Lo 12 de junh de 2016 la fusilhada mai murtrièra de l'istòria dels EUA se debanèt dins una discotèca LGBT lo Pulse situada a Orlando. Aquela foguèt revendicada per l'organizacion Estat islamic.

Geografia

Segon lo Burèl del cens, Orlando a una superfícia de 261,5 km² (242,2 km² de tèrras, 19,3 km² d'aiga, es a dire 7,39 % al total).

Dins son airal urban, i a mai de 100 lacs, los mai grands essent Apopka, Eustis, Griffin, Harney, Harris, Jesup, Monroe, Sand Lake, Conway, e Tohopekaliga.

Son clima es subtropical umid: mai sovent es caud e umid amb a vegadas de jorns de fred en ivèrn. L'an se divisa en doas sasons de durada gaireben egalas.

D'entre los 115 quartièrs d'Orlando, los mai coneguts son:

Cultura

La musica hip-hop, metal, rock, reggaeton e las scènas musicalas latinoamericanas son plan actius dins la vila. Orlando se chafra l'Hollywood-Orient per causa de fòrça estudios de cinema dins la region. La produccion cinematografica èra activa dins la vila pendent los ans 1990, mas mermèt dempuèi.

Fins a fa pauc, Walt Disney Feature Animation expleitèt un estudio a Hollywood Studios Disney a la Walt Disney World Resort. Lo Florida Film Festival atrai los cineastas aprendisses del mond entièr. Orlando es fòrça popular d'entre los cineastas independents.

La region d'Orlando abriga fòrça teatres: Central Florida Ballet, Ballet Orlando, Orlando Shakespeare Theater, Orlando Repertory Theatre, teatre de la vaca fòla e la glacièra Teatre. L'universitat de Florida centrala e Rollins College (Winter Park) abrigan de departaments de teatres.

Economia

Grand centre de torisme, Orlando atira cada an de fòrça visitors. Aquela activitat toristica es subretot lo fach dels pargues tematics presents dins la region. Orlando aculhís de pargues Walt Disney World e l'Universal Parks & Resorts.

Educacion

Las escòlas primàrias e segondàrias son geridas per l'Orange County Public Schools. Unas escòlas privadas son geridas per l'Orlando Lutheran Academy, la Forest Lake Academy, la The First Academy, la Trinity Preparatory School, la Lake Highland Preparatory School, le Bishop Moore High School e l'Orlando Christian Prep.