Mont Rainier

Pels articles omonims, vejatz Mont Rainier (omonimia).

Mont Rainier

Vista del mont Rainier.

Geografia

Altitud

4 392 m

Massís

Cadena de las Cascadas

Coordenadas geo.

46° 51′ 11″ N, 121° 45′ 36″ O

Administracion

Estat

Comtat

Ascension

Primièra ascension

1870 per Hazard Stevens e P. B. Van Trump

Via pus aisida

Disappointment Cleaver

Geologia

Edat

Ròcas

Tipe

estratovolcan

Activitat

Actiu

Darrièra erupcion

21 de novembre de 1894 - 24 de decembre de 1894

Còde [1]

321030

Observatòri volcanologic

Observatòri volcanologic de las Cascadas

Lo mont Rainier (en anglés: Mount Rainier /reɪˈnɪər/) (en lushootseed:Tacoma o Tahoma)^[1] es un grand estratovolcan actiu^[2]^[3] de l'arc volcanic de las Cascadas situat dins lo Pargue Nacional del Mont Rainier al sud-èst del comtat de Pierce e aperaquí 90 km al sud-sud-èst de la vila de Seattle,^[4] demora un perilh per la populacion del ròdol estimada a 1,5 milion d'abitants.^[2] Amb sos 4392 mètres es lo trescòl de l'estat de Washington e de la Cadena de las Cascadas del Nòrd-oèst Pacific, e lo mont mai prominent dels Estats Units contigús.

Un dels Volcans de la Decennia,^[5] es considerat coma un dels volcans pus dangeriós al mond amor de la granda quantitat de glaça que lo recobrís, pòt potencialament produire de lahars qu'amenaçan tota la val del riu Puyallup.

Toponimia

(edat precolombiana)

Aquesta seccion es voida, pas pro detalhada o incompleta. Vòstra ajuda es benvenguda !

Descobèrt pels primièrs europèus durant un viatge d'exploracion en 1792 menat per George Vancouver, lo volcan deu son nom a un amic de George Vancouver tanben navegaire per la Royal Navy nomenat Peter Rainier.

(Lewis e Clark e l'edat americana)

Aquesta seccion es voida, pas pro detalhada o incompleta. Vòstra ajuda es benvenguda !

Geografia

Los jorns clars lo volcan es vesedor a l'asuèlh sud-èst de tota la zona metropolitana de Seattle-Tacoma. De còps que i a se pòt tanben apercebre de las vilas de Portland en Oregon e de Victòria en Colómbia Britanica. Amb 26 glacièrs majors e 93 km2 de camps de nèu e de glaça, lo Mont Rainier es lo pic pus cargat en glaça dels Estats Units (levat Alaska). Lo som es cofat de dos cratèrs volcanics, cadun de pus de 300 m de diamètre amb lo cratèr màger èst que cavalca lo cratèr oèst. La calor producha fa que de largs airals dels cratèrs son desprovesits de glaça, e que i se formèt la pus granda cauna glaciària al mond amb sos 3.2 km de passatges. Un pichon lac de cratèr de 40m per 9 e de 5m de fons s'es format e ocupa la porcion bassa del cratèr oèst jos 30m de glaça, accessibla sonque per las caunas.

Los rius Carbon, Puyallup, Mowich, Nisqually, e Cowlitz an sa font als glacièrs del meteis nom sul Mont Rainier. Las fonts de la White River son los glacièrs Winthrop, Emmons, e Fryingpan. Los rius White, Carbon, e Mowich jonhan la Puyallup River, que s'escampa dins la baia de Commencement a Tacoma; lo riu Nisqually se voja dins Puget Sound a l'èst de Lacey; e lo riu Cowlitz jonh la Columbia River enter Kelso e Longview.

Lo somal del mont Rainier es cofat de tres puèges. Lo pus enauçat se ditz Columbia Crest. Le segond se nomena Point Success (4 315 mètres) e lo tresen Liberty Cap (4 301 mètres). Sul pendís oriental del mont se trapa tanben lo puèg Little Tahoma (3 395 mètres). Aquel es un vestigi erodat de l'ancian mont Rainier quand èra encara pus naut.