Lviv
Lviv (pr. lviu; ucraïnian: Львів, Ľviv, AFI: [lʲʋiu̯]; polonés: Lwów,[1] AFI:[lvuf]; rus: Львов, Lvov, AFI: [lʲvof]; yiddish: לעמבערג; Latin: Leopolis;[2] alemand: Lemberg), es la mai granda vila de l'oèst d'Ucraïna e la setena pus granda de tot lo país, es un dels centres culural màger d'Ucraïna. Nomenada en onor de Leo, lo filh ainat del rei de Rus' Daniel de Galicia. Foguèt la capitala del Reialme de Galicia–Volhynia (tanben sonat Reialme de Rus')[3] entre 1272 e 1349, quora foguèt conquistada pel rei Casimir III de Polonha que venguèt alara rei de Polonha e Rus'. A partir de 1434, foguèt la capitala regionala del Voivodat Rutèn dins lo Reialme de Polonha e èra sonada Lwów. En 1772, après la Primièra particion de Polonha, la vila venguèt capitala del Reialme de Galicia e Lodomeria e foguèt renomenada Lemberg. En 1918 pendent un cort periòde, foguèt la capitala de la Republica Populara d'Ucraïna Occidentala. Entre las doas guèrras, la vila èra sonada Lwów e èra lo centre del Voivodat de Lwów dins la Segonda Republica Polonesa. Après la Segonda Guèrra Mondiala, venguèt part de l'Union Sovietica (Republica socialista sovietica d'Ucraïna) e en 1991 de l'Ucraïna independenta. Administrativament, Lviv es lo centre de l'Oblast de Lviv e ten l'estatut d'una ciutat d'importància regionala. Sa populacion es en 2016 de 728,350 personas.
|
Lviv
Львів | |||||
|---|---|---|---|---|---|
 | |||||
| . | |||||
| |||||
| |||||
| Geografia fisica | |||||
| Coordenadas | 49° 51′ 00″ N, 24° 01′ 01″ E | ||||
| Superfícia | 182,01 km² | ||||
| Geografia politica | |||||
 | |||||
| País |  Ucraïna | ||||
| Oblast | Oblast de Lviv | ||||
| Geografia umana | |||||
| Populacion (2016) |
728,350 ab. | ||||
| Autras informacions | |||||
| www.city-adm.lviv.ua | |||||
Lviv foguèt lo centre de la region istorica de Galicia. Lo còr istoric de la vila, amb sos vièlhs bastiments e sas carrièras pavadas, subrevisquèt a las ocupacions sovieticas e alemandas durant la Segonda Guèrra Mondiala. La vila a mai d'una industrias e institucions d'educacion superiora, coma l'Universitat de Lviv e l'Universitat natconala politecnica de Lviv. Lviv es tanben lo luòcde plusors institucions culturalas coma l'orquèstra filarmonica e lo famós Teatre d'Opèra de de Balet de Lviv. Lo centre istoric de la vila es marcat al Patrimòni Mondial de l'Umanitat.