Lograta

Vilatge d'Occitània

Lograta (Lougratte en francés) es una comuna agenesa, situada dins lo departament d'Òut e Garona e la region de Novèla Aquitània, ancianament d'Aquitània.

Lograta Lougratte
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La glèisa de Lograta.
Geografia fisica
Coordenadas	44° 35′ 04″ N, 0° 37′ 28″ E
Superfícia	20,45 km²
Altituds  · Maximala  · Mejana  · Minimala	183 m 135 m 82 m
Geografia politica
País	Guiana Agenés
Estat	França
Region 75	Novèla Aquitània
Departament 47	Òut e Garona
Arrondiment 473	Vilanuèva d'Òut
Canton 4709	La val de Dròt (Castilhonés avant 2015)
Intercom 244700209	CC de las Bastidas en Naut Agenés Perigòrd
Cònsol	Isabelle Labonne (2020-2026)
Geografia umana
Populacion Populacion totala (2018)	403 ab. Evolucion de la populacion 413 ab.
Densitat	21,66 ab./km²
Autras informacions
Còde postal	47290
Còde INSEE	47152

Geografia

Comunas a l'entorn.

Perimètre del territòri

Comunas confrontantas de Lograta

Montauriòl	Castilhonés	Ferrençac
Sent Maurici de Lestapèl		Montaut
	Cancor	Sent Estròpi de Bòrn

Toponimia

Lograta

La prononciacion es [lu'gratɔ]. Las fòrmas ancianas son de Lopgrata, en 1293, Loupgrate, Labgrate, Labragte, Lobgrate, Lobgrata, Lubgrata, Lupgrate, de 1307 a 1317, Lupo Graty, latinizacion (?) de 1307 a 1317, capella de Lougraco (maissanta lectura), en 1326, ecclesia Sancti Stephani de Gratalupo, alias Lupograto, en latin, en 1508, Loup Grato, en 1668. Lograta es l'equivalent de Gratalop , tanben en Agenés.

I a principalament doás posicions. La prumièra, enonciada prudentament per Dauzat, explica lo nom per un concret lop grata . La proximitat dels bòsques a l'Edat Mejana (cf. la fòrma de 1155 per Castilhonés, nemus Castellonesium) auriá poscut (perqué non ?) motivar una tala apellacion, puslèu risolièra e ironica. La segonda posicion explica Lograta e Gratalop per de raiç pre-indoeuropèas, *gr-att-, « ròca, gres dur e siliçós », e *lop-, de valor oronimica (qu'explicariá lo Leberon < Luberon < Louerionos, transcripcion d'Estrabon). Lograta seriá doncas una tuca rocassosa e lo nom seriá estat interpretat lop grata, emb absorpcion posteriora de p per g. Bénédicte Boyrie-Fénié evòca tanben la teoria de Berganton e de Miquèu Grosclaude, qu'explican los Gratalops (mas coma nom de familha) per la juxtaposicion de dos pichons noms, Lop e Grat .

Valetas

Lo vilatge es situat al NNE del borg, dins una depression. Diminutiu de val , al plural.

Cèlas

Lo vilatge es situat a l'ENE del borg. Cèlas ven de la fòrma plurala del latin crestian cella, « ermitatge » e qualques còps « pichon monestièr » .

Rocadet

Lo vilatge es situat a l'ESE del borg, en posicion dominanta, sus un morre. Sembla un diminutiu del nom Rocat, present en toponimia occitana e precisament en microtoponimia (noms de vilatges o d'ostals que son pas comunas o ancianas parròquias). Rocat es dejà un derivat de ròca o de ròc, emb lo sufixe -at, de sens collectiu (ensemble de ròcs) o eventualament diminutiu. Los toponimes que compòrtan ròca correspondon sovent a de fortalesas, de castèls. Rocadet es benlèu lo diminutiu d'un autre luèc nommat Rocat, benlèu dispareissut, mas i a pas de certitud.

Torretas

Lo vilatge, emb una glèisa, es situat a l'ENE del borg, pus luènh que Cèlas. Diminutiu de tor.

Istòria

• En 1840, la comuna de Valete (nom francés, en occitan Valetas) fuguèt annexada a Lograta . Solament, i a mai. Lo siti Cassini explica qu'entre 1790 e 1794 Roquedet (nom francés) fuguèt annexat a Castilhonés. Puèi, abans 1806, aital foguèt de Celles et Roquadet-Paroixe (nom francés) e en 1825, de Pompiac . Rai per Pompiac, mès la mapa mòstra clarament que Cèlas e Rocadet son dins la comuna de Lograta. Error ? Transferiment posterior de Castilhonés a Lograta ? De mai, sembla curiós que Celles e Roquadet foguèsson estats estacats a Castilhonés abans l'annexion de Pompiac, que los separa, çò sembla, de Castilhonés. La diferéncia de tractament entre Roquedet (Rocadet) e Roquadet-Paroixe fariá supausar que Rocadet fuguèt annexat en prumièr (a Castilhonés o a Lograta) e que lo restant de la parròquia seguèt, se i a pas una autra confusion. Mas, coma la municipalitat de 1793 èra dejà Lougratte, Celles et Roquedet , qu'aquelas tres entitats son encara dins la meteissa comuna, i a un autre dobte : benlèu que s'es pas passat ren.

Administracion

Lista dels cònsols successius

Periòde		Identitat	Etiqueta	Qualitat
2014	2026	Isabelle Labonne
1973	2014	Jean Delard		retirat
	1973
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra del canton de Castilhonés; es adara del canton de La Val de Dròt.

Demografia

Evolucion demografica Populacion comunala actuala (2013): 443, totala: 445
1793	1800	1806	1821	1831	1836	1841	1846	1851
882	631	670	739	853	840	1 021	1 071	1 043
1856	1861	1866	1872	1876	1881	1886	1891	1896
1 000	943	910	904	884	828	806	807	733
1901	1906	1911	1921	1926	1931	1936	1946	1954
673	641	672	556	630	627	594	543	516
1962	1968	1975	1982	1990	1999	2006	2007	2008
478	479	422	394	404	393	439	445	455 460
2009	2010
452 454	449 451
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• Per l'evolucion demografica de Valetas, veire l'article.
• En 2018 la populacion èra de 403 abitants e la densitat èra de 19,71 ab/km².

Veire tanben

• Comunas d'Òut e Garona