L'Avereit de Comenge

L'Avereit de Comenge^[1]^,^[2]^,^[3]^,^[4] (Lavelanet-de-Comminges en francés) qu'es una comuna de Volvèstre, lengadociana istoricament, mès lingüisticament gascona, situada dens lo departament de la Nauta Garona e de la region d'Occitània, ancianament de Miègjorn-Pirenèus.

L'Avereit de Comenge
Lavelanet-de-Comminges

La glèisa.

Armas

Geografia fisica

Coordenadas

43° 15′ 22″ N, 1° 07′ 09″ E

Superfícia

13,54 km²

Altituds
· Maximala
· Mejana
· Minimala

253 m
246 m
232 m

Geografia politica

Lengadòc

França

, ancianament de Miègjorn-Pirenèus

Departament
31

Nauta Garona

Arrondiment
311

Arrondiment de Murèth

Canton
3127

Canton d'Autariba, ancianament de Rius

Intercom
243100658

Comunautat de comunas de Volvèstre

Cònsol

Évelyne Delavergne
(2014-2020)

Geografia umana

Populacion
Populacion totala
(2018)

620 ab.

Evolucion de la populacion

628 ab.

Densitat

43,8 ab./km²

Autras informacions

Còde postal

31220

Còde INSEE

31286

L'Avereit de Comenge

Geografia

Anciana bastida de l'airal urban de Tolosa situada en Volvèstre a 32 km al Sud de Murèth e a 50 km al sud de Tolosa, accès per l'A64 sortida 24.

Toponimia

L'Avereit, foneticament [laße'rejt], qu'es lo medish nom a l'origina que L'Avelhanet (lengadocian meridional) o L'Agroet (gascon). Lo nom qu'es atestat en latin en 1272, de Avellaneto. L'Avereit que ven deu latin avellana (de abellana nux), « averana, auran, aulan », damb lo sufixe collectiu -etum, donc « lòc on i a d'averanèrs, d'averanèras » ^[5]. Lo grop -ll- intervocalic que ven regularament r e -n- que s'amudeish normalament (mès que se consèrva sovent, mei que mei dens lo nom deu hrut, mercés a un passatge au masculin qui hè que n es pas mei intervocalica). L'Avereit qu'estó probablament *L'Averaet, com L'Agroet (la grafia francesa d'aqueth darrèr nom, Laveraët, que rebat probablament la prononciacion medievala). Lo passatge de [laßera'et] a [laße'rejt], per [laßere'et] (influéncia de la vocala tonica sus a), prononciacion de segur transitòria, o per [laßera'jet] que permet l'evitament de l'iatus.

Istòria

Pendent l'Ancian Regime, L'Avereit (Lavelanet e Larrouzet) qu'èra de la diocèsi civila de Rius, doncas de la província de Lengadòc, de la generalitat de Tolosa, de la diocèsi de Rius, de la senescauciá de Tolosa. En 1790, L'Avereit qu'èra deu canton de Casèras, en l'an VIII, deu canton de Rius, en 1801 (an X) deu canton de Casèras, puish que tornè au canton de Rius en l'an XII, d'aquí a sa supression en 2015. La glèisa qu'es devath lo patronatge de Sent Bertomiu. Lo nom oficiau qu'èra Lavelanet et Saint-Cizy en l’an VIII e que passè de Lavelanet a Lavelanet-de-Comminges per decret deu 22 de març 1929 ^[6]. L'annexion de Saint-Cizy (anciana estacion romana d'Aquae Siccae) qu'estó brèva perqué la petita comuna èra recensada a part au còp en 1800 e en 1806; ara qu'es dens Casèras (Nauta Garona) despuish 1842.

Pendent l'Ancian Regime, la parròquia de Larrouset èra de la diocèsi de Rius e de la senescaucia de Pàmias. Le vocable de la glèisa, annèxa de Gençac de Garona, es Sent Jacme ^[7].

Administracion

Lista deus cònsols successius
Periòde		Identitat	Etiqueta	Qualitat
2005	2020	Évelyne Delavergne	divèrs esquerra	emplegada
2004	2005	Jean-Claude Trazic
2001	2004	Jean-Claude Menville
1990	2001	Roger Delavergne
	1990
Totas las donadas non son pas encara conegudas.