Jan de Boset

Jan^[1] Boset (en francés Jean Bouzet, en bearnés que's signava Yan de Bouzet en grafia de l'Escòla Gaston Febus, e segon la nòrma classica qu'ajudè a establir : Joan de Boset - Pontac, 11 de genièr de 1892 - 26 d'octobre de 1954) que ho un escrivan occitan, un professor agregat, un lingüista, un gramatician e un ispanista bearnés. Que joguè un ròtle màger dens la mesa en plaça de l'ensenhament e la difusion de l'occitan en Bearn durant la segonda meitat deu sègle XX.

Vita

Que perseguí los estudis segondaris a Sent Pèr de Bigòrra. Que comencè la soa carrièra com professor dens la Val de Dios en Astúrias ; subervicó san e sauv e dab lo grad d'oficièr, a la Prumèra Guèrra Mondiau (qui l'inspirè lo son poema A la memòria d'un amic mort) abans d'escàder s'i a la Licéncia e a l'Agregacion de castelhan.

Dens lo monde academic francés que joguè un ròtle autant important dens l'ensenhament de l'espanhòu au nivèu nacionau e sa gramatica espanhòu que ho per annadas la purmèra referéncia entaus estudiants francofòns (e que l'ei enqüera com modèl de lenga ultra academica).

La soa gramatica bearnesa (hèra rica e precisa, escrivuda ua pausa abans la mesa en plaça sistematica de la grafia classica) qu'ei bastida suu medish modèl que la soa Grammaire espagnole.

Òbras

Lingüistica

Bouzet, Jean e Lalanne, Th. Du latin au gascon. Sent Vincenç de Pau (Lanas): Bénesse, 1937.
Bouzet, Jean. Grammaire espagnole, classes supérieures de l'enseignement secondaire, préparation à la licence. París: Belin, 1946, 2au ed. 1956.
Bouzet, Jean e Lacoste, Maurice. Précis de grammaire espagnole. París: Belin, 1958.
Bouzet, Jean. Syntaxe béarnaise et gasconne. Pau: Escole Gastou Febus, 1963.
Bouzet, Jean. Manuel de grammaire béarnaise. Vilhèra: Escole Gastou Febus, 1975.
dab Loís Alibèrt e Pèire Bèc: L'application de la réforme linguistique occitane au gascon. Tolosa : IEO, 1952.

Didactica

Bouzet, Jean. Manuel de grammaire béarnaise. Édition spéciale pour les écoles. Pau: Marrumpouey jeune, 1928.
Bouzet, Jean e Chérel, Alphonse, La pratique de l'espagnol, Bruxellles, París: Assimil, 1951.
Bouzet, Jean. 'Por buen camino' , 1re année d'espagnol à l'usage des classes de 4e B et 4e M des lycées et collèges, 2e et 3e année des cours complémentaires 12au edicion, París: Belin, 1953.

Òbra dramatica

Bouzet, Yan de... (Jan de Boset...), Peyou de Mourle / Peion de Morla, Pau, cò en Marrimpoei, 1931.

Critica

Camelat, Miquèu de, La Literature Gascoune, de las Honts prumèras à Oey lou die / La Literatura gascona, de las Honts prumèras a Uei lo dia, Pau, cò en Marrimpoei, 1950.